1 Samuil 25:26 - DAWAN BÎLA AISKA

²⁶ Ban sakuna, kasak tânka ba kat man bui bal tala kaiki, mihtam ni kasakka lâka ba daukaia Dawan wina man ra maikras kan. ¡Dawan baku brin daukbia, man waihlam nani sut, wala nani sut sin saura mai munaia pliki nani ba, witin nani sut Nabal klala brin ba bribia!

1 Samuil 25:26 ပူးပေါင်းရင်းမြစ်များ

Blasi Sturka 20:6

Bara yaprisauhkan ra Gâd pana witin ra win: “Âu, yang baha kaikisna man kasak luki, lukankam tâski âpu lâka ra baha ba daukram. Baha mita yang sin mai swiri witin ra kangbras kapram, man bui yang maipara saura daukma apia mata.

2 Samuil 18:32

King ba Etiopía waitnika ra makabi walan: —¿Wahma Absalón ba pain sa ki? Witin pana win: —Yang aitani lukaina kan dîa baha wahma ra takan ba baku, king tara mapara babura nani sut ra sin baku takaia kan.

2 King Nani 2:2

Bara Ilayas bui Ilaidsa ra win: —Takaski nâra bas, kan Dawan bui Betel ra ai blikuya bamna. Sakuna Ilaidsa win: —Dawan nina ra swer takisna bara man ra sin, yang yakan mai swimna apia. Bara witin wâlsut Betel ra wan.

2 King Nani 4:6

Watlika sut ba pat banhki daukan ba ra, ai luhpia waitna kum ra win: —Watlika wala nani pliki aik, bîla baman kaka. Bara luhpia waitna ba bui win: —Sumi kau âpu, danh takan sa. Baha minitka ra batana laya plapi kata ba takaskan.

Lawana Nani 44:3

Klamhkla bara sordkam sin apia, pura lui buaia karnika yaban ba; witin nani mita upla wala nani tasbaya ba pura luras kan. Man diara daukaia karnika brisma ba, man karnikam ba mita baha sut daukram. ¡Man bui witin nani lamara mamwan ingnika marikram bamna, latwan kaiki kapram ba mita daukram!

Sins Lâka 31:12

Mairin ba ai rayaka yua nani sut ra ai maya waitna ba ra âuyapah lâka baman yabisa.

Jirimaya 29:22

Juda uplika nani Babilon ra brih wan nani ba upla kum ra lahtubaia lukbia ba ra, naku wibia: Dawan bui man wal daukbia Sedequías Ahab ra daukan ba baku, baha nani sika Babilon kingka mita pauta ra angkan.

Daniel 4:19

“Bara Daniel nina wala Beltsasar ba ban tâ iwan sâp taki luki kan, ai lukanka ra turban pali muni kata. Sakuna king bui aisi, win: ‘Beltsasar, kupiam ra turban pali takpara yaprisauhkan ba dukiara bara ai tânka ba dukiara sin.’ Beltsasar bui pana aisi, win: ‘Alai, king yaprisauhkankam ba waihlam nani ba dukia sa baha nani man ra misbara mai kaiki nani ba.

Hibru Nani 10:30

Yawan kaikisa Dawan ba naku aisan: “Upla ra klala yaia ba yang mihti ra sa; yang mita sika aibapamna ba.” Bara naku sin aisisata: “Dawan ba ai uplika nani lâka daukbia.”

1 Samuil 1:26

Bara Ana bui win: —Padin ai muns, dawanki, sakuna man kau ban raya sma ba baku, yang aisisna ba kasak pali sa, yang sika baha mairka nahara Dawan ra puri suni katna ba man lamamra.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.

1 Samuil 20:3

Sakuna Debit kli kli aisi, win: —Papikam kasak tânka brisa, man bui yang ra yamni lukisma ba, bamna witin brin daukras sa man naha tânka brima bara kupia wirha takaia. Sakuna yang lika Dawan nina ra, man ra swer taki aisisna, kau mini kum bukamna ba prura kat taibaia sna.

1 Samuil 22:3

Baha wina Debit Mispá ra wan, Moab tasbaya ra, bara Moab kingka ra win: —Man ra puri sunisni papiki bara yaptiki sin man wal nâra takaski kaia, Gâd bui yang wal dîa daukaia ba ai wibia daira walamna ba kat.

1 Samuil 25:25

Nabal aisinka nani ba ra man lukpara, baha waitna lukanka saura, mihta karna, ai nina bara ai tânka ba param marikisa witin sinskas kum sa. Piua bani sinskas lâka ra diara daukisa. Warkkam dadaukra mairin na, albikam nani blikram ba yang kaikras kapri.

1 Samuil 25:39

Debit walan Nabal pruan, bara witin win: —¡Dawan ba yamni pali kabia, Nabal mini prukanka daukan ba mana witin bui pana munan ba! ¡Saura daukaia ba wina swaki ai sakan, Nabal watawanka ba kli Nabal purara kahban! Baha ningkara Debit bui Abigail ra marit sakaia bîla blikan.

1 Samuil 26:10

Dawan nina ra yang swer aisisni, witin bui rayaka ba sâkbia, ai piua balbia bara prubia, apia kaka war aiklabi prubia.