1 Samuil 25:25 - DAWAN BÎLA AISKA

²⁵ Nabal aisinka nani ba ra man lukpara, baha waitna lukanka saura, mihta karna, ai nina bara ai tânka ba param marikisa witin sinskas kum sa. Piua bani sinskas lâka ra diara daukisa. Warkkam dadaukra mairin na, albikam nani blikram ba yang kaikras kapri.

1 Samuil 25:25 ပူးပေါင်းရင်းမြစ်များ

2 Samuil 13:33

Baku bamna, king tara, king luhpia nani sut pruan baku lukpara. Kumi pruan ba Amón baman.

Sins Lâka 29:7

Upla kasakkira lika, umpira uplika nani lâ dimi ba dukiara uya lukisa, sakuna upla watawikira lika, ai kupia wiria sin lukras.

Aiseya 32:5

Upla kupia saura takan nani ba ra upla kupia painkira sa wibia apia, kunin mamunra ba, upla yamni sa wibia apia.

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

1 Samuil 25:17

Sakuna man mayam ai kupia saura ba mita, yang bui witin ra sip diara wiras, man luki kaiks dîa daukaia sip sma ba, baha aisinka ba wina lika diara saura kum balaia pali sa witin ai mapara, ai taya nani sut mapara sin.

1 Samuil 25:24

Baha ningkara ai mawan ra kauhan bara win: —¡Dawanki, watawanka ba yarka yang purira kauhbia! Man ra puri sunisni, ai swis man ra mai aisaia bara aisinki nani ba wals.

1 Samuil 25:26

Ban sakuna, kasak tânka ba kat man bui bal tala kaiki, mihtam ni kasakka lâka ba daukaia Dawan wina man ra maikras kan. ¡Dawan baku brin daukbia, man waihlam nani sut, wala nani sut sin saura mai munaia pliki nani ba, witin nani sut Nabal klala brin ba bribia!

1 Samuil 25:3

Naha waitnika ba nina Nabal, Caleb taika wina; witin mihta karna bara waitna tânka saura kan. Ai maya Abigail lika baku apia, witin lika mairin mawan painkira bara sinskira kan.