1 Samuil 25:23 - DAWAN BÎLA AISKA

²³ Abigail bui Debit kaikan ba ra, biriku pura wina iwan, ai mawan ba tasba ra aimakupan yamni kulkan lâka sainka baku.

1 Samuil 25:23 ပူးပေါင်းရင်းမြစ်များ

2 Samuil 1:2

Sakuna yu yumhpa luan ra Saúl kiamka wina waitna kum balan, prâka kalwan, ai lal ra sin tasba yakaban sari tukinka baku. Witin Debit lama kat bal ai lal tasba ra bawi kulkanka yaban.

2 Samuil 14:4

Tecoa mairka ba king mawanra diman, ai lal tasba kat bawan yamni kulkanka lâka ba kingka ra yan, bara witin ra win: —¡King tara, sip pali hilp ai muns!

2 Samuil 18:28

Ahimaas king lamara balan ba ra, ai mawan ra tasba kat bawan bara ai lakula dauki witin ra win: —Dawan ba yamni pali kabia, king tara sma ba Gâdka, man king tara mampara babura nani ba tila wina sakan bamna.

2 Samuil 9:6

Mefi-bóset, Janatan luhpia, Saúl mulika, witin Debit mawanra wan ba ra, ai lal makupan yamni kulkan tukinka baku. —¡Mefi-bóset! —Debit karna aisin. Witin pana win: —King tara, man adarkam nani ba kat.

1 Kronikas 21:21

Debit ba Ornán lamara balan ba ra Ornán Debit ra kaikan, plawar taya saki pliska ba wina, bara taki bal Debit mawanra ai lula krikan.

Jasua 15:18

Witin nani utla wina taki auya kata bara Otoniel Acsa ra aisi kan ai aisa ra makabia witin ra insla daukaia tasbaya yabia, bara Acsa âu win. Bamna witin biriku wina iwan, bara Caleb ra makabi walan: —¿Dîa brin mai daukisa?

Wihta Nani 1:14

Sakuna mairin ba wan bara Otoniel mita aisi kupia alki bara win: “Man papikam ra tasba pîs kum makas maikbia.” Caleb kaikan Acsa biriku ba pura wina iwi aula, bara witin Acsa ra makabi walan: —¿Man dîa trabil brisma?

Rut 2:10

Bara Rut baha walan ba ra, tasba kat ai lal makupan, bara Booz ra makabi walan: —¿Man dîa muni yang ra ban yamni ai wisma, yang tasba wala uplika sna na?

1 Samuil 20:41

Alba ba mahka wan ba ra, walpa nani paskan ba nina wina Debit bal takan, Janatan mawanra aima yumhpa tasba ra bawan, ai lal tasba kat kangban. Ningkara pana pana kiawalan bara wal inan, Debit sarka ba ban pura lui kan.

1 Samuil 24:8

Baha ningkara Debit sin walpa untika ba wina bal takan bara Saúl nina bliki wan, bara witin ra winan: —¡King tara, King tara! Saúl ai ninara tawi kaikan, bara Debit tasba kat ai mawan ra bawi, yamni kulkanka tukinka ba dauki yan,

1 Samuil 25:24

Baha ningkara ai mawan ra kauhan bara win: —¡Dawanki, watawanka ba yarka yang purira kauhbia! Man ra puri sunisni, ai swis man ra mai aisaia bara aisinki nani ba wals.

1 Samuil 25:41

Abigail tasba kat ai mawan ra bawan, yamni kulkanka lâka ba marikan, bara pana win: —Yang na bahki Debit dukia dadaukra kum sna, ridi sna ai albika nani mina sikbaia, witin baku adar aikbia kaka.