1 Samuil 24:16 - DAWAN BÎLA AISKA

¹⁶ Debit aisi swin ba ra, Saúl alai winan: —¡Man pali sma ba, luhpi Debit, ai aisisma ba! Bamna Saúl mahka inan,

1 Samuil 24:16 ပူးပေါင်းရင်းမြစ်များ

Blasi Sturka 16:5

Bara Sarai bila Ebram ra win: —Agar yang ra bahki ai kulki ba pâtka ba, man puramra sa. Yang mita sika mairka ba man mairkam maikri, sakuna witin ai luhpia kum briaia sa, bara nanara witin kau tara ai dara walisa bara yang ra bahki ai kulkisa. Sakuna Dawan mita wan wibia ya ba pâtkira ba, man, apia kaka yang.

Blasi Sturka 2:2

Gâd ai warkka nani daukan ba yu 7 kat paski tnata alkan, bara ris brin.

Blasi Sturka 33:4

Sakuna Isau ai muihni wal prawaia mapara plapi wan, witin ai nana ra kiaubi alki mawan kiawalan, wal ai biartaya alki ni. Witin nani wâlsut inan.

1 Kronikas 12:18

Bara Amasai, 30 nani lalka ba, spirit witin nani ra iwan bara winan: “¡Debit, Jesé luhpia, kupia kumi lâka kabia man ra! ¡Kupia kumi lâka ba ban man wal kabia! ¡Kupia kumi lâka man ra bara baha nani hilp mai muni nani ba ra sin, kan Dawankam ba man ra tâm baikan sa!” Debit baha nani ba yamni brin bara war aiklaklabra daknika nani lalka tilara brin.

Job 6:25

Upla kumi sin âpu sa, diara kasak wan smalkan bîla ba walaia apia wibia ba, sakuna man nani lika pâtkas daihra kwahkram sa.

Lawana Nani 119:154

Pâtka na dukiara tâiwan aisi atki ai sâks; ¡raya ai sâks, man pramiskam nani daukram ba mita!

Sins Lâka 15:1

Swapni ni upla tawa aisaia ba ai kupia baikanka ba daskisa, sakuna sarka paski bîla nani lika kau kupia baikisa.

Sins Lâka 25:11

Bîla aisanka nani ba ai piua kat aisi ba ra apil gul ni paskan ba baku sa, silbar ni paskan watlika ra mangki swin baku sa.

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Apastil Nani Sturka 6:10

Sakuna Stiben, Spirit Holikira wina sins lâka yan aisi kan ba mapara, witin nani lika sip buras kan.

Wihta Nani 11:27

Yang bui man ra diara saura kumi sin mai munras. Sakuna man sika saura daukisma, wan mapara aulma wan aiklabaia. Sakuna Dawan ba sika wan wihtka ba, bamna witin lika Israel luhpia nani dukiara, baku sin Amón luhpia nani dukiara lâ daukbia.”

1 Samuil 26:17

Saúl bui Debit bîla baikra walan ba ra, karna winan: —¿Luhpi Debit, man sma ki, yang ra aisi ba? Debit pana win: —Âu, king, yang sika.

1 Samuil 26:24

Naiwa baku yang bui king tara rayaka ba kulkanka yâri ba, baku sin Dawan bui yang rayaki ba kulkbia, bara kupi wirha taiban lâka wina pri ai sâkbia.