1 Samuil 22:3 - DAWAN BÎLA AISKA

³ Baha wina Debit Mispá ra wan, Moab tasbaya ra, bara Moab kingka ra win: —Man ra puri sunisni papiki bara yaptiki sin man wal nâra takaski kaia, Gâd bui yang wal dîa daukaia ba ai wibia daira walamna ba kat.

1 Samuil 22:3 ပူးပေါင်းရင်းမြစ်များ

Blasi Sturka 47:11

Bara Josep Idsip tasbaya ra tasba kau pain ba witin nani ra yan. Witin nani bahara iwan, king fero adarka win ba kat. Bara baku Josep aisika, muihnika nani sin Ramsés tasba pain kum brin bâra iwaia.

2 Samuil 8:2

Moab uplika nani ra sin pura luan, bara yan witin nani sut tasba ra aitnikan, bara kulki kaikaia kiwka brih kulki kaikan: kiwa wâl kulkanka bilara aimakan ba, ikaia pâtka ra lakan, kiwa kumi kulkanka bilara aimakan ba, ikras swin. Baku Moab uplika nani ba sin yan Debit ra bawan, bara ai lal mana sin aibapaia kan.

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

1 Timoti 5:4

Sakuna piarka kum luhpa nani, apia kaka ai mula nani brisa kaka, witin nani ba ai watla uplika nani ba kristian lâka bri kaia ba pas lan taki banhbia: ai taya nani ra bara ai aisika nani ra latwan lâka ba bri banhwi ba yabisa, kan naha na pain sa bara Gâd sin pain kaikisa.

Wihta Nani 11:29

Dawan spiritka ba Jefté purara balan, bara witin Galaad bara Manasés kir taukan bara Mispá Galaad ra ba kat wan, Amón luhpia nani tasbaya ba kutbi alki aiklabaia dukiara.

Rut 4:10

Baku sin Moab mairka Rut ba mayi brisna, baha prapatika ba ban Mahlón prahki ba nina ra kulkan kaia. Baku bamna, Mahlón nina ba ai taya nani tila wina sin dikan kabia apia, lap sin tiwbia apia. Man nani baha lâka daukan ba witniska nani sma.

Rut 4:17

Ai lamara iwi mairka nani ba baha kaiki, ai tilara aisin: —¡Noemí luhpia waitna kum aisubi takan sa! Bara tukta nina ba Obed mâkan, Obed luhpia ba Jesé, bara Jesé luhpia ba Debit.

1 Samuil 14:47

Baku, Saúl Israel kingka aimakaia karnika alkan bara anira ai waihla nani bâra kan ba sut mapara aiklabi kan: Moab ra, Amón ra, Edom ra, Sobá kingka bara filisteo nani mapara sin. Ani anira witin wih aiklabi kan ba, sut pura lui kan.

1 Samuil 22:2

Taiban uplika nani, tras tara bri kan nani, rarangbra nani sut asla takan witin wal, bara Debit lika witin nani kiaptinka aimakan. Debit wal tauki waitnika nani lika 400 lama kan.

1 Samuil 22:4

Bara baku Debit ai papika bara ai yapti sin Moab kingka ra brih wan, bara witin nani king wal iwi kan Debit kan kahbaika pliska ra kan piua sut ra.

1 Samuil 3:18

Bara Samuil witin ra sturka ba sut pali win, diara kumi sin yukukras, bara Elí wini aisin: —¡Witin ba Dawan sika! ¡Witin yamni kaiki ba kat daukbia!