1 Samuil 22:2 - DAWAN BÎLA AISKA

² Taiban uplika nani, tras tara bri kan nani, rarangbra nani sut asla takan witin wal, bara Debit lika witin nani kiaptinka aimakan. Debit wal tauki waitnika nani lika 400 lama kan.

1 Samuil 22:2 ပူးပေါင်းရင်းမြစ်များ

2 Samuil 17:8

Man kasak kaikisma papikam ba bara ai uplika nani ba tahplu atia sa, baha nani sibrin âpu. Nanara kasak lawi pali kaia sa, wingku wail ai lupia paki kan mihta dakban ba baku. Baha purkara, aisikam sika war aiklaklabra, witin ai natka baku, tihmia ra lika ai uplika wala nani tilara takaski kabia apia.

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

2 King Nani 20:5

“Yang upliki nani wihtka Ezequías ra tawi wih wis: ‘Dawan, man damikam Debit Gâdka ba naku wisa: Yang lika man puram sunra ba walri bara man namkra laya nani ba sin kaikri. Yang mai rakaisna, bara lapta yumhpa dimbia yua ra Dawan tempelka ra uli was.

2 King Nani 4:1

Mairin kum bâra kan, witin ba prapit nani kan ba tila wina kum maya, bara witin prapit Ilaidsa ra wan, bara naku ini aisi, win: —Yang mayi waitna ba pruan, bara man nu sma mayi ba Dawan ra lalukra kan. Bara nanara lalah lin mamunra kum balan, yang luhpi wâl ba alki ai albika briaia wisi.

Sins Lâka 31:6

Wain laya wih laya tahpla sin taiban uplika nani ra bara kupia kriwan nani ra yas dibia;

Matiu 11:12

“Jan Tatahbra balan wina naiwa yua kat, kasbrika purara ba King aimaki lâka ba pât wahwisa, bara upla nani mita ai karnika ni pura lui ai mihta ra briaia lukisa.

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Hibru Nani 2:10

Diara sut ba Gâd dukia nani sa, bara witin mita sin paskan sa; bara Gâd want sa ai luhpia nani sut ba ai prana ra ai dukia bri kabia. Baha mita, pât wahwan bâk, Gâd mita Jisas Kraist ba aiska aihwa daukaia kan, Jisas sika witin nani Sasakrika bamna.

Wihta Nani 11:3

Bara Jefté ai muihni nani tila wina plapan bara Tob tasbaya ra wih iwan. Bahara witin waitna bahki, wark takras sringwaskira aikuki dakni kum asla taki aikuki yabal ra upla bîla aihwaki aiklabi dukia nani impliki tauki kan.

Wihta Nani 18:25

Sakuna Dan uplika nani pana witin ra win: —Yang nani puri winpara, upliki nani kupia baiwbia kaka, man tamya nani sut iki âpu mai daukbia.

1 Samuil 1:10

Bara Ana ai kupia wirha tara wal uya ini, Dawan ra ai pura sunan,

1 Samuil 22:3

Baha wina Debit Mispá ra wan, Moab tasbaya ra, bara Moab kingka ra win: —Man ra puri sunisni papiki bara yaptiki sin man wal nâra takaski kaia, Gâd bui yang wal dîa daukaia ba ai wibia daira walamna ba kat.

1 Samuil 23:13

Bara Debit ai uplika nani waitna 600 prais kan ba aikuki, Queilá wina taki plapan bara anira auya sapa ai tânka briras. Baha sturka Saúl walan Debit Queilá wina taki plapan ba, bara witin Debit nina blikaia kau diara daukras swin.

1 Samuil 25:13

Bara Debit ai uplika nani ra win: —¡Man nani aiklabaia dukia nani ba mihtam ra alks! Ai waitnika nani ai sordka ai maisa ra wilkan, Debit sin; bara baku waitna nani 400 witin wal wan, waitna nani 200 ba diara nani main kaiki takaskan.

1 Samuil 30:6

Debit ai kupia wal uba aisin kan witin nahki daukaia, ai daknika ba bui mahka walpa ni sabaia muni kan, witin nani sut lawi pali kan ai luhpia nani ra baku takan ba dukiara. Ban sakuna, Dawan ra ai kupia lukra ba mangkan,

1 Samuil 9:16

“Yauhka, sim naha awarka, waitna kum man ra blikamna Benjamín tasbaya wina, man bui witin ba batana ni laikma, yang upliki Israel luhpia nani wihtka kaia, witin bui witin nani ba filisteo nani karnika ba wina dakbi sâkbia, yang sin upliki nani kupia lukra ba wal sna, ai inanka nani ba yang kat uli wan bamna.”