1 Samuil 20:42 - DAWAN BÎLA AISKA

⁴² Wal ini si, Janatan Debit ra win: —Âmyapah was, Dawan nina ra yawan wal swer takan ba, yawan makaban Dawan wal lilapas ra ban kaia, wan taya nani bara wan kiamka nani lilapas ra sin. Baha ningkara Debit mahka yabal ra wapan, bara Janatan sin kli tawan ra tawi diman.

1 Samuil 20:42 ပူးပေါင်းရင်းမြစ်များ

2 Samuil 9:1

Yu kumi Debit makabi walan: “¿Saúl taika kum kau pruras raya bâra sa ki, bara yang bui Janatan ra luki witin ra yamni munaia?”

Kulki Kaikanka 6:26

Dawan latwan mai kaikbia, bara kupia kumi lâka sin maikbia.”

Luk 7:50

Sakuna Jisas mita mairin ba ra win: —Man kasak lukram bamna, swaki mai sakan sa; bamna kupiam kumi wal was.

Apastil Nani Sturka 16:36

Bara silak watla main kakaira ba Pal ra win: —Wihta nani wina adar aikan sa man nani mai lanhkamna, bamna nanara man nani sip sma liliakira mahka taki waia.

1 Samuil 1:17

Elí pana aisi, win: —Kupiam kumi was; man makabram ba sut Israel Gâdka mita maikbia.

1 Samuil 20:15

yang taiya nani wal kupiam yamnika ba takaskras ban kabia. ¡Dawan ai traska man waihlam nani ra makabia bara witin nani ba aiska pali sauhki tikbia! Naku natka ra, Janatan bara Debit wal lâ daukan.

1 Samuil 23:18

Bamna witin wâlsut Dawan ai witniska mangki brih, lâ daukan. Ningkara Janatan kli ai watla ra wan, Debit lika Hores ra takaskan.

1 Samuil 25:35

Ningkara witin diara nani brih wan ba, Debit mihta ra yan brin, bara win: —Âmyapah wamtla ra waia sip sma. Man kaikisma yang lika man ra walri dîa aisaram ba, bara dîa makabram ba sin maikri.