1 Samuil 20:21 - DAWAN BÎLA AISKA

²¹ bara albiki ra wimna: ‘Trisbaya ba pliki was.’ Bara yang wimna kaka: ‘Trisbaya nani ba man bâra sma ba lamara plikaia; man was, bara trisbaya nani ba bris’, bara sip sma âmyapah bal takaia, man ra diara saura kum sin takbia apia bamna. Dawan walisa man ra swer takisna ba.

1 Samuil 20:21 ပူးပေါင်းရင်းမြစ်များ

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Jirimaya 5:2

Upla ailal bâra sa Dawan nina ra aisi swer takisa, sakuna witin nani kunin man aisisa.”

Emus 8:14

Baha nani, Sameria uplika gâdka bahki nani ra luki tniwi swer taki aisi nani ba, witin nani wisa: ‘Dan gâdka ba kau raya sa’, bara: ‘Beerseba gâdka nani sin kau raya sa’. Baku aisi nani ba sut kauhbia, bara kli sin bubia apia.”

1 Samuil 20:20

Yang trisbaya yumhpa lulkamna baha tani ra, sim markka ra lulkisna baku,

1 Samuil 20:22

Sakuna yang wimna kaka: ‘Trisbaya nani ba bukra tnaya wala ra sa’, man plaps, kan Dawan brin daukisa man mahka wama.

1 Samuil 20:36

bamna wahma ba ra adar win: —Trisbaya nani lulkamna ba, istikira plikaia plapi was. Alba ba taki plapi kan bara trisbaya ba lulkan kau kainara wih kauhaia.