1 Samuil 2:5 - DAWAN BÎLA AISKA

⁵ Witin nani diara pura luan bri kata ba, nanara plun yuya mana wark takisa; sanglang iwi nani kata ba, nanara aibanhwan sa. Mairin sip luhpa sakras kata ba, nanara luhpa 7 taim baikisa; mairin luhpira kata ba nanara ai luhpias takan.

1 Samuil 2:5 ပူးပေါင်းရင်းမြစ်များ

Lawana Nani 113:9

Biarapara mairka ra yabisa utla kum brih iwaia, ai luhpia nani baiki yapti liliakira baku kaia. ¡Dawan nina ba mayunan kabia!

Lawana Nani 34:10

Diara ailal bri nani ba, kli diara âpu takisa, bara witin nani plun wahwisa, sakuna baha nani Dawan pliki ba, diara kumi sin luha kabia apia.

Aiseya 33:9

Tasba kwala siksa dimi sari sa; Líbano ai swira luki srawan; Sarón ilka bîla sin upla iwras tasbaya baku takan, Basán bara Carmelo ilka sin wahia nani âpu daukan.

Aiseya 54:1

Liliam bas, biarapara mairka nani, luhpa baikras sma ba; lawana aiwans bara lilia tara binka dauks, luhpa baikaia latwanka briras katma ba, kan Dawan naku aisisa: “Lulki swin mairka ba kau luhpa bri kabia, ai maya bri mairka nani ba wal.”

Jirimaya 15:9

Luhpa ailal bri kan yaptika nani ba kupia lap tiwan kauhan, sip ai wingka puhbras kan; swira paskan mâyara batakan, lapta ingnika ba witin nani ra tihmia takan. Tila kau raya ba, yang yabrika waihla nani mita ikaia. Yang Dawan ba, yang bîli mai wisna.”

Luk 1:53

Plun dauki uplika nani ra diara pain nani ni banhkan, bara yuyakira nani ba lika mihta bîla baman blikan wan.

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Galesha 4:27

Bamna Ulbanka ba wisa: “Biarapara mairka sma ba, man luhpa âpu sma ba, liliam bas; liliam mita puram wins, man luhpa baikaia latwanka wauhras sma ba. Kan baha mairka kangbi sakan ba lika, luhpa manis pali bribia, mairin ai maya waitna brih iwi ba wal.”

Rut 4:15

Witin bui man kupiam lilia daukbia, bara almuk takma ba ra tâm baiki kabia, mulam yapti latwan pali mai kaiki ba luhpia bamna. Man mampa ra baha mairka sika luhpiam waitna 7 ba wal purkara kau hilpkam tara kabia.

1 Samuil 1:20

Bara baku Ana kwihra tiwan, piua aimakan kat ai luhpia waitna kum brin, bara nina ba Samuil mâkata, kan witin mita Dawan ra makaban kata.

1 Samuil 1:6

Baha mita ai waihla Peniná bui ai kupia sauhki ai kupia wirha dingki kan, Dawan bui ai biarapara daukan bamna.