1 Samuil 2:26 - DAWAN BÎLA AISKA

²⁶ Wahma Samuil ba lika ban pâwi kan, bamna upla nani bara Dawan bui sin yamni kaikan.

1 Samuil 2:26 ပူးပေါင်းရင်းမြစ်များ

Blasi Sturka 39:4

Baha daukanka ba mita munan, Potifar Josep ra kau yamni lukan. Bara witin ai lama kat, ai watla bilara ai hilpika mangkan, bara ai dukia nani ba ai warkka nani dauki kan ba sut Josep mihta ra mangkan.

Sins Lâka 3:3

Latwan lâka ba lulki swipara bara kasakka diara rait ba sin; lilura awa baku man brih tauks, sinskam ra ulbi bris,

Sins Lâka 3:4

baku bamna, Dawan bara upla nakra ra kupia yamni lâka, aitani kulkan lâka sâkma.

Luk 1:80

Baku kan ba ra, tukta ba pâwi karna sin taki kan, ai wîna tara mapa ra, ai spiritka mapa ra sin. Witin lika upla iwras tasbaya ra takaski kan, Israel luhpia nani ra param takan piua ba kat.

Luk 2:40

Tukta ba pâwi kan, bamna kau karna bara kau sinskira sin taki kan, Gâd sin yamni pali muni kata.

Luk 2:52

Bara ban Jisas lika ai wîna tara mapa ra bara ai sinska mapa ra sin pâwi kan, bamna Gâd mita bara upla nani sut mita sin yamni kaiki kata.

Apastil Nani Sturka 2:47

Witin nani Gâd nina mayuni kan, bara upla nani sut mita pain pali kaikan; bamna yu bani Dawan mita swaki sakan uplika nani ba kau kau sal witin nani daknika ra asla praki kan.

Roman 14:18

Ya naha natka ra Kraist dukia dauki ba, witin ra Gâd mita pain kaikisa bara upla nani mita sin.

Wihta Nani 13:24

Ai piua nani balan ba ra mairin ba ai luhpia waitna kum brin, bara nina ba Samson mâkan. Tuktan ba pâwi kan, Dawan sin witin ra yamni munan.

1 Samuil 2:21

bara Dawan bui Ana ra yamni munan, witin kwihra tiwan, ai luhpia waitna yumhpa bara ai luhpia mairin wâl brin, bara Samuil lika ban Dawan lâka ra pâwi kan.

1 Samuil 3:19

Samuil pâwan, Dawan lika witin wal kan, tâ baikan ai pramiska nani sut ba daukaia.