1 Samuil 2:20 - DAWAN BÎLA AISKA

²⁰ Bamna Elí bui Elcaná ra bara ai maya mairin ra sin yamni muni wi kan: “Dawan yamni mai munbia naha mairin wina luhpiam nani kau maikbia, witin baku Dawan wina makaban bamna.” Ba ningkara witin nani ai watla ra kli tawi wan,

1 Samuil 2:20 ပူးပေါင်းရင်းမြစ်များ

Blasi Sturka 14:19

naha bîla nani aisi Ebram ra yamni munan: “Gâd Laih Purara iwi ba, kasbrika pura tasba sin papaskra ba mita yamni pali mai munbia.

Malaquía 2:15

¿Gâd kumi ba mita man nani wînam rayakam ba sin paskan apia? ¿Bara baha Gâdka ba dîa makabisa? Man luhpiam nani ban, witin ai uplika nani sunu kaia. Bamna man nani lukankam pali wina luki kaiks: ¡Man wahma katma ra mayam wal lâ daukram ba krikpara!

Luk 2:34

Simian witin nani ra yamni munan, Jisas yaptika Meri ra naku wisata: —Kaiks, naha tukta lupia na mangkan sa, Israel luhpia nani uya kauhbia, bara kli bubia ba dukiara sin. Witin na upla uya bahki kulkaia sainka kum kabia,

Rut 2:12

¡Gâd bui mamna maikbia! Israel Dawan Gâdka mita diara aiska maikbia, witin ai tnawa distika ra mamdiskbia, kan witin ra balram bamna.

Rut 4:11

Almuk nani ba bara upla wala nani ba sut sin aisin: —Âu, witniskam nani sna. Sakuna Dawan sin Rut ra tâ baikbia Raquel bara Lea wal ra daukan ba baku, witin nani wina Israel luhpia nani bal takan. Bara man sin Efrata Betlehem wal tilara upla tara mai kulkan kabia.

1 Samuil 1:11

bara Dawan ra witin pramis daukan: “Dawan karnika sut pali brisma ba, albikam mairin kupia kriwan na maisa nihkaia yamni lukisma kaka, yang ra luks bara luhpa waitna kum aik, bara ai rayaka yua nani sut ra witin ba man warkkam ra maikamna, bara tukinka ba lika ai tâwa ba klakan kabia apia.”