1 Samuil 2:2 - DAWAN BÎLA AISKA

² ¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!

1 Samuil 2:2 ပူးပေါင်းရင်းမြစ်များ

2 Samuil 22:3

yang Gâdki, kaini kahbi ba walpaya, yang laima prakaika, swaki ai saki ba karnika, yukuwaiki rayaka kau purara ba, yukuwaika watla kau purara ba, yang sasakriki. ¡Saura munaia lâka ba wina swaki ai sakram!

2 Samuil 22:32

¿Ya ba Gâd sa, Dawan wina tnaya ra? ¿Dîa gâd wala bâra sa ki wan kan kahbaia?

2 Samuil 7:22

Baha ba mita, Dawanki, tara kaia lâka ba man dukiam. Kan man baku wala âpu sa, gâd wala nani sin âpu sa man tnamya ra, yang nani sut pat walri ba baku.

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

Lawana Nani 111:9

Ai uplika nani ra pri lâka yan, bara wal lâ daukan ba ban kaia ra bapi swin. Gâd ba holi sa bara sibrinkira sa sin.

Lawana Nani 18:2

Dawan, man sika kaini kahbisma, yang yukuwaiki pliska, yang swaki ai sasakra; yang Gâdki, walpa tara, yang ra ai yukukisma ba, yang kaini kahbaika, ai swaki saki karnika ba, yukuwaiki kau tara ba.

Lawana Nani 18:31

¿Gâd ba dîa sa, Dawan wina tnaya ra tawbia bara Gâd wala bâra sa ni, wan kan kahbaia sip ba?

Lawana Nani 71:19

Man, Dawan, kasakkam lâka ba kasbrika purara ba kat wan, man bui diara tara nani daukram ba; ¡baha upla kum sin, man daukram baku daukras!

Lawana Nani 71:3

Man ba, yang kaini kahbaika walpaya ba, ¡man lika yang yukuwaiki watla bas, bara swaki sakan lâka ba sin! ¡Man sika, yang wailpaya bara yukuwaiki watla sma ba!

Lawana Nani 73:25

¿Yang ba laih kasbrika purara ya brisna ki? ¡Man baman mai brisna! ¡Man wal sna bara naha tasba wina diara brin ai daukras!

Lawana Nani 86:8

¡Dawan, man wal mai praki kaikaia, dawan wala âpu sa! ¡Man warkkam ba baku, wala warkka âpu sa!

Lawana Nani 89:6

Dawan, man wal mai prakaia gâdka kumi sin âpu sa, tasba ra kasbrika purara sin âpu.

Lawana Nani 89:8

Dawan Gâd, karnika sut brisma ba, karnika sut ba man dukiam, bara kasakka lâka ni kir mai kutbi brisa; ¡man baku wala âpu sa!

Lawana Nani 99:3

Witin ai nina ba mayunan kabia, witin ba tara bara sibrinkira sa; ¡Gâd holikira sa!

Lawana Nani 99:5

¡Man nani bui Dawan wan Gâdka ra mayuns, witin ai mina ra lulam kriki banhs! ¡Gâd holikira sa!

Lawana Nani 99:9

Man nani bui Dawan ra mayuns, yawan wan Dawanka ba, ¡nina holikira ra ai mawanra lulam kriki bas! ¡Yawan wan Dawanka, witin ba holi sa!

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Aiseya 40:18

¿Bamna Gâd lilka ba, man nani bui ya lilka talia daukma? ¿Apia kaka, man nani dîa lilka witin ai talia ba lilka ba wal prakma?

Aiseya 44:6

Dawan, Israel kingka witin ra swaki saki ba, Dawan karnika sut bri ba, witin aisisa: “Yang sika diara sut tâura sna, ningkara sin yang bâra sna ba. Yang tnaiya ra Gâd wala âpu sa.

Aiseya 44:8

¡Man nani si bripara, man nani sin tâ iwpara! ¿Blasi pali kankika ba piua wina, maikri man nani walram bara sin mai wîri kan apia? Man nani ba sika yang witniski nani sma. Gâd wala âpu, yang baman; yukuwaia watla wala âpu; kaikras sna wala kra.”

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Jirimaya 10:6

Dawan, man wal baku upla wala âpu sa: man sika karnika tara pali brisma, ninam ba tara pali kulkisa, karnika tara pali brisma.

Libait Lâka 11:44

kan yang sika man nani Dawan Gâdkam sna. Man nani klin pali takaia sma holi pali sin, kan yang holi sna ba baku. Daiwan ai lamara raswi tauki nani ba aikuki tâski takpara.

Libait Lâka 11:45

Yang sika Dawan Gâdkam, Idsip wina mai saki mai bri balri Gâdkam kaia, baku bamna man nani holikira kaia sma, kan yang holi sna.”

Libait Lâka 19:2

“Israel luhpia nani ra naku wis: “Man nani holi kama, kan yang, Dawan Gâdkam, holi sna baku.

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

Roman 4:8

¡Bahamna, lilia pali kaia sa baha uplika ai saurka Dawan mita kulkras ba!”

Kli Smalkanka 3:24

‘Dawan, man albikam na ra tânkam tara bara karnikam ba marikuma. Gâd wala âpu sa kasbrika purara bara tasba ra sin, man diara aihkakira nani daukisma ba daukaia.

Kli Smalkanka 32:20

bara win: ‘Yang lika man nani ra nini tawaisna, bara kaikamna ani kat man nani wih takaskma ba. Kasak pali ba upla watawikira nani, sip luki tniwaia apia luhpia nani ra.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Kli Smalkanka 4:35

Baku marikan tânka briaia, Dawan Gâd ba aihwakira sa, witin wina wala âpu.

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

1 Pita 1:16

Kan Ulbanka ra wisa: “Man nani holikira bas, yang na holikira sna bamna.”