1 Samuil 2:1 - DAWAN BÎLA AISKA

¹ Ana naku ai pura sunan: “Dawan, yang kupi ra man ra lilia tara brisni, kan man karniki raya aikisma. Waihli nani mapara aisaia sip sna, kan man tâi baikram bamna. ¡Âu, yang lilia sni!

1 Samuil 2:1 ပူးပေါင်းရင်းမြစ်များ

2 Kronikas 20:27

Baha ningkara, Juda bara Jerusalem uplika nani sut lilia pali kli tawi balan, Josafat ai tâura aimaki kan, Dawan bui lilia daukan ai waihla nani pura luanka bâk.

Nihimaya 11:17

Matanías, Micaías luhpia waitna kan ba, Zabdí luhpia waitna kan ba, Asaf luhpia waitna kan ba, witin sika aiwawanra daknika tâ brabrira kata, bara tingki bîla nani aiwani, pura sunra dauki ba yua ra yabi kan; Bacbuquías, ai taika nani tilara sekan ba, bara Abdá, Samúa luhpia waitna kan ba, Galal luhpia waitna kan ba, Jedutún luhpia waitna kan ba.

Job 16:15

Sari lâka ni aibanhri sa, krukus kwalka ni dimri, bara tasba yamhpuska ra yang laila dingkri.

Lawana Nani 118:14

Yang bui Dawan ra lawana aiwanisni, yang ra karnika aikbia. ¡Witin sika yang Sasakriki!

Lawana Nani 13:5

Yang lika man latwan ai kaikisma ba kasak lukisna; kupi lilia pali sa, man swaki ai sakisma ba lâka ra.

Lawana Nani 148:14

Witin ai karnika ba ai uplika nani ra yaban sa. Witin ba ai uplika kasakkira nani mayunra sa, Israel luhpia nani, upla banhwi ba kum, witin ai lamara bri ba. ¡Dawan ba mayunan kabia!

Lawana Nani 18:2

Dawan, man sika kaini kahbisma, yang yukuwaiki pliska, yang swaki ai sasakra; yang Gâdki, walpa tara, yang ra ai yukukisma ba, yang kaini kahbaika, ai swaki saki karnika ba, yukuwaiki kau tara ba.

Lawana Nani 20:5

Bara man pura luram ba, yang nani liliaka daukamna, yang nani Gâdki nina ba mâki, plakinki nani sin bapamni. ¡Man diara nani makabram ba, sut aiska Dawan maikbia!

Lawana Nani 21:2

Ai kupia brin dauki kan ba, witin ra yaram sa; man ra makaban ba sin, man bui witin ra takaskras kapram.

Lawana Nani 35:9

Bâra mika yang na Dawan ra lilia pali kamna, witin bui swaki ai sakan kabia bamna.

Lawana Nani 51:15

Dawan, yang uni nani ba ilingks; bara uni nani wal mamyunra lawana nani aiwanamna.

Lawana Nani 71:8

Yu aiska uni nani ba man pramna mayunanka nani ba banhki brisa;

Lawana Nani 75:10

kan witin mita sika watawikira nani ba witin baman sa baku luki nani ba sut sauhki tikbia, bara upla pain nani karnika ba, kau karnika yabia.

Lawana Nani 89:17

Kasak sa, man ai karnika sma bara prana sin; yawan wan karnika ba kau tara takisa, man kupiam lâka ba mita.

Lawana Nani 89:18

¡Dawan ba wan kan kahbaika sa! ¡Wan Kingka ba sika Israel ra Holikira ba!

Lawana Nani 89:24

Laitwanka lâka bui kasakki lâka ba witin kulkbia, bara ai karnika ba pura praki yabamni.

Lawana Nani 9:14

Bara baku yang, Jerusalem getka nani ra, tasba aiska ra wimna man mayunra briaia aitani sma, yang lilia pali sna swaki ai sakram bamna.

Lawana Nani 92:10

Man kau karniki ba aikisma, bîp wainhka karna ba baku, bara yang laila ra batana laikisma.

Impakan Sturka 15:1

Bara Moses lika Israel luhpia nani aikuki naha lawana aiwani, Dawan ra mayunan: “Dawan ra yamni kulki aiwanamni, pura luanka kum aihkakira brin ba, aras âiulra nani araska kabu ra rungki tikan bamna.

Impakan Sturka 15:21

Bara Miriam witin nani ra aiwani kan: “Man nani bui Dawan ra pain kulkan lâka ra aiwans, aras nani ba, aras âiulra nani ba sin, witin kabu ra rungki tikan bara pura luan lâka aihka painkira, pranakira dauki ai nina mayunan bamna.”

Abakuk 3:1

Naha sika prapit Abakuk ai pura sunanka ba.

Abakuk 3:18

ban sakuna, baha sut purkara lilia lâka ni aibanhwamna yang Dawanki bara yang Sasakriki ba dukiara.

Luk 1:69

Witin Sasakra karnakira kum wankan, ai napakanka Debit kiamka ba tila wina.

Roman 5:11

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.

Kli Smalkanka 33:17

Pranakira sa bîp wainhka kum tawahkia baku, karna pali buplu kum baku, upla sut ra ai aringka ni mangkbia tasba tâ kum wina tâ wala kat. Efraín kwârika tara nani ba baku sa; Manasés tausinka nani ba baku sa.”

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

1 Samuil 1:6

Baha mita ai waihla Peniná bui ai kupia sauhki ai kupia wirha dingki kan, Dawan bui ai biarapara daukan bamna.

1 Samuil 1:7

Mani bani, witin nani Dawan watla ra auya ba ra, Peniná bui baku muni kan; baha mita Ana ba plun sin piras, inaia baman kan.