1 Samuil 19:5 - DAWAN BÎLA AISKA

⁵ ai rayaka ba wal puli filisteo ba ikan, baku Dawan bui swaki sakan lâka aiska ba Israel ra yan. King tara ba dukiara kaiki lilia pali takan. ¿Bara dîa dukiara nanara king tara ba ai kupia mununhtara saura lukaia, upla pâtkas kum ba rayaka dukiara? ¿Nahki Debit ba pâtkas ikaia?

1 Samuil 19:5 ပူးပေါင်းရင်းမြစ်များ

2 Samuil 23:10

Witin lika ban aiklabi filisteo nani ra iki kan bara swapan sord alkan baman, sula wakia auban bara ai sordka sip swiras kan. Baha yua Dawan ba pura lui buaia lâka ba alkan. Bara aiklaklabra nani ba Eleazar nina blikan waihla nani wina diara nani dakban ba witin nani briaia.

1 Kronikas 11:14

witin insla lila ba kat takaski, mapara bapi bri aiklabata bara filisteo nani pura luan. Baku Dawan bui pura luaia karnika ba yan.

1 Kronikas 11:18

Bamna baha waitna kupia karnira yumhpa ba filisteo nani kiampka ra dimi wan, bara Betlehem dimaika ra liwanhta bâra ba wina lî saki sal, Debit ra yan. Sakuna Debit baha laya ba din daukras kan, kau ni laiki Dawan ra mana luha yabi baku yan,

Lawana Nani 109:5

Saura ba ni yamni ba mana ai aibapan, bara kupi latwanka ba mana sin pana misbara ni ai kaikisa.

Lawana Nani 119:109

Pruaia pâtka ra ban sni, sakuna yang lika, man smalkankam ba âiya tikamna apia.

Lawana Nani 25:3

¡Baha nani man ra bîlam kaiki ba, kumi sin swirka swira takbiara! ¡Baha nani kaiki lâ kriki ba, mampara bûi ba mita ai swira takbia!

Lawana Nani 69:4

Pâtkas kapri misbara ai kaiki nani ba, tâiwa mina ba wal kau ailal sa, waihli nani ba ailal pali takan, dîa tâwan rau ai sauhkaia âpu, sakuna taibi ai munisa, yang implikras katna ba kli yabaia.

Lawana Nani 94:21

upla dakni kum taki pâtkas bara kulkanka bri nani mapara buisa, bara ban pruaia kat lakisa.

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Jirimaya 26:15

Sakuna naha lika, kasak pali kaiki bas: man nani ai ikma kaka, man nani bara tawanka uplika nani sut pâtkira kama upla pâtkas kum ikuma bamna; yang kasak aisisna Dawan mita ai blikan naha sturka man nani ra param pali mai wiaia.”

Matiu 27:24

Pailat witin sip diara daukras kan kaikan, bara bin lika kau tara taki kan ba ra, adar yan lî bri sal yabia, bara upla sut mawanra ai mihta nani sikbi, win: —Naha waitnika pruaia pâtka na man nani daukisma; yang baha tilara âpu.

Matiu 27:4

naku win: —Yang saura daukri, waitna pâtkas kum prura pâtka ra mangkri bamna. Sakuna witin nani bila: —¿Bara baha ba yang nani maipara dîa sa ki? ¡Ba lika man kaikma si!

Jan 15:25

Sakuna naha na baku takaia kan, baha bîla nani witin nani lâka wauhkataya ra ulban ba kat aimakaia dukiara: ‘Pâtkas pali misbara ai kaikan.’

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Pilipai 2:30

kan witin ba Kraist warkka tâwan pat pruaia man kan. Ai rayaka trabil ra mangkan, man nani bui hilp aikaia sip apia kapram ba, witin mita aikaia dukiara baku daukan.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

Wihta Nani 12:3

Man nani bîlam kaikri balras kapram ba ra, yang rayaki ba prura ra tawri kan, Amón uplika nani wal aiklabaia wari, sakuna pura luaia karnika ba Dawan bui yang ra aikan. ¿Bara man nani nanara lika dîa muni yang wal aiklabaia aulma?

Wihta Nani 9:17

Aisiki ai rayaka ba man nani tâmwan prura bîla ra mangki, Madián uplika nani wal war aiklabi pri mai sakan.

1 Samuil 11:13

Sakuna Saúl witin nani tilak dimi aisin: —Naiwa nâra upla kumi sin ikbia apia, Dawan bui naiwa Israel luhpia nani swaki sakan bamna.

1 Samuil 14:45

Sakuna upla nani Saúl ra win: —¡Nahki baku wiaia aitani kabia, Janatan ba pruaia! ¡Janatan mita sika pura luan lâka tara kum ba, Israel ra yan ba! ¡Baku lika sip apia! ¡Dawan raya ba nina ra, witin ai lal wina tâwa mina kum sin tasba ra kauhbia apia! Naiwa witin diara daukan ba, Gâd hilpka ba mita witin daukan. Baku upla nani ba mita Janatan rayaka ba prura wina swaki sakan.

1 Samuil 19:6

Bîla nani sut Janatan aisin ba, Saúl walan bara ai bîla baikra sakan: —Dawan nina ra swer taki aisisna, Debit prubia apia.

1 Samuil 20:32

Sakuna Janatan witin ra win: —¿Dîa dukiara witin pruaia sa? ¿Witin dîa daukan sa?

1 Samuil 22:14

Bamna Ahimélec pana king ra win: —King, ¿man wihtkam nani tilara Debit baku wala kum kau kasakkira bâra sa ki, baha purkara witin sin king dapnika, king watla bilara wihta main kaiki ba, yamni pali kulkan lâka sut bri ba?

1 Samuil 28:21

Mairin ba kaikan Saúl sinska ba aihka takan, karnika âpu takan kan, bara ai lamara wih witin ra win: —Yang dukiam dadaukra mairin, man makabram ba daukri. Yang rayaki wal puli, man adarkam bîla walri.