1 Samuil 19:13 - DAWAN BÎLA AISKA

¹³ Bara Mical wih utla bîla wina aidul tara kum bri si, Debit krikrika ra suni swin, bara wihta kahbaika kum mangkan, guts taya ni pitbi daukan ba ni pura biki swin.

1 Samuil 19:13 ပူးပေါင်းရင်းမြစ်များ

Blasi Sturka 31:19

Sakuna Labán sîp taya irbaia wisi ai sîpka daknika wala nani tilara taki wan kan, bara Raquel ai watla ra dimi, aidul nani bri kan ba impliki brih wan.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Wihta Nani 17:5

Micaías ai watla ba pura sunaia watla bri kan. Witin sin prîs dimaia, ‘‘efod’’ pîska kum daukan, gâd bahki wala nani sin bri kan, bara ai luhpia waitna kumi ba sin prîs mangkan.

Wihta Nani 18:14

Bara waitna matsip Lais tasbaya aiska wapi kaikan nani ba mita ai uplika wala nani ra win: —¿Nu sma man nani dîa? Naha watla ra prîs ‘‘efod’’ prâka kum nâra sa bara gâd nani sin bâra sa, dus wina karbi dauki silbar ni taya pura ba lalauban sa. ¿Man nani baha dukiara dîa lukisma?

Wihta Nani 18:17

Biki kakaira waitna matsip ba Micaías watla ra dimi, silbar lalaubi daukan gâdka bahki ba, prîs prâka ‘‘efod’’ ba bara gâd bahki wala nani ba sin saki brin, prîs wahma ba lika latara get lamara suldiar 600 nani ba wal aisi kan.

1 Samuil 19:16

Saúl waitnika nani ba Debit watla bilara diman, sakuna krikrika ra aidul kum guts taya ni pitbi daukan bara lal kahbaika kum wal baman sakan.