1 Samuil 18:23 - DAWAN BÎLA AISKA

²³ Saúl albika nani ba wan, bara king dîa win ba kat Debit ra win, sakuna Debit pana win: —¿Man nani lukisma, tânkas wapi wih prisant king dapnika takaia, yang baku upla bahki umpira kum sna na?

1 Samuil 18:23 ပူးပေါင်းရင်းမြစ်များ

Blasi Sturka 29:20

Bara baku Jekob 7 mani Labán warkka taki kan. Sakuna witin Raquel ra latwan pali kaiki kan ba mita 7 mani ba, wik kumi baku, piua prahni lui wan ai mapara.

Blasi Sturka 34:12

Lamkra mana lâ kat dîa kulki ba wina, kau pura lui ai kulkaia brin mai daukisa kaka sin ai kulks. Prisant nani ailal sin makas, baha sut ba yang maikaia wilin sna. Sakuna yang baman brin ai daukisa man nani lamkra ba swis yang wal mayi takbia.

Lawana Nani 119:141

Yang na sirpi sna, bara bahki sin ai kulkan sa; ban sakuna man smalkram lâka nani ba yang âiya tiwras.

Sins Lâka 14:20

Diara luha uplika ra witin ai uplika bui sin misbara kaikisa, kuna lalahkira ra, upla ailal mita latwan kaikisa.

Sins Lâka 29:5

Ya piu bani ai uplika mayuni ba, witin kainara mina alkaika kahbisa.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

1 Samuil 18:18

Sakuna Debit pana win: —Yang na bahki sna, yang taiya nani sin bahki sa Israel ra, yang na king dapnika takaia.

1 Samuil 18:22

Baha aisi si ningkara, Saúl ai albika nani ra win: —Man nani wâl man taki, yang bîli wisi Debit ra naku aisi wis: ‘King man dukiamra pain lukisa, ai albika nani sut sin yamni lukisa, man ba witin ai dapna takaia.’

1 Samuil 18:24

Albika nani ba Saúl ra wih win, Debit dîa aisin ba sut.

1 Samuil 9:21

Saúl bila pana win: —¡Sakuna yang lika Benjamín kiamka wina sna, Israel kiamka nani tila wina kau sirpi ba! Baha purkara, Benjamín kiamka aiska tilara yang taiya nani ba kau maura lupia sa. ¿Bara nahki baha bîla nani yang ra ai wima?