1 Samuil 18:14 - DAWAN BÎLA AISKA

¹⁴ Dawan ba Debit wal kan ba mita, diara sut witin dauki ba tilara lilia baman bri kan.

1 Samuil 18:14 ပူးပေါင်းရင်းမြစ်များ

Blasi Sturka 39:23

Bara Josep dîa lâ daukan ba kiaptin ba mita kli laki kaikras kata, kan Dawan Josep wal kan bamna, witin diara nani sut dauki ba yamni baman taki kan.

2 Samuil 5:10

Debit ba yu bani kau karnakira taki kan, bara Dawan Gâd karnakira ba sin witin wal kan.

2 King Nani 18:7

Ba mita Dawan ba witin wal kan, bara anira taki auya piua ra pura luanka lâka ba Dawan bui witin ra yabi kan. Ezequías lika Asiria kingka mapara buan, baku sin witin dukia daukaia apia win.

1 Kronikas 18:13

Ningkara, Debit bui Edom ra aihwaki kaiki kaia war uplika nani swin, Edom uplika nani sut witin mununhtara kan; bara ani anira taki wabia ba, Dawan wina pura luaia lâka ba yabi kan.

1 Kronikas 18:6

Baha ningkara aiklaklabra dakni tara swin, Siria Damaskus ra ba aihwaki kaiki kaia, bara Siria uplika nani ba Debit albika taki banhwan, ban ai lal mana sin aibapi kan; Dawan bui Debit ra pura luaia lâka ba yabi kata, ani ani ra wabia ba sut ra.

2 Kronikas 17:3

Dawan ba Josafat wal kata, kan witin ai damika Debit kau wahma kan daukan ba baku witin sin daukan bamna, Baal lilka sât sât daukan ba warkka daukras kan,

Lawana Nani 101:2

wapni wapi nani aikuki iwaia brin ai daukisa. ¿Ahkia yang ra balma? Yang wapanki ba tâski âpu kabia king iwaika watla pali ba ra sin;

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Apastil Nani Sturka 18:10

Yang lika man wal sna, bamna upla kumi sin mai alki sip rau mai sauhkbia apia, naha tawanka ra yang lika upla ailal pali brisna bamna.”

Jasua 6:27

Dawan bui Jasua ra tâ baikan, bara witin wark daukan sturka ba baha tasbaya aiska ra upla sut walan.

Wihta Nani 1:19

Dawan sin ban Juda uplika nani ba yula kahbi kan baha mita, sip kan il nani ra iwi uplika nani ba pura luaia. Sakuna tasba langni ra iwi kan nani ba sip kangbi sakras kan, baha nani ba ayan waginka nani bri aiklabi kan ba mita.

1 Samuil 10:7

Baha diara nani baku man ra takbia ba ra, dîa daukaia lukma ba dauks, Gâd hilp mai munbia bamna.

1 Samuil 16:18

Bara albika nani tila ba wina kum bui naku win: —Betlehem ra, Jesé luhpia waitna nani ba tilara kum bâra sa, yang kaikisna baha lika arp kakangbra pali sa. Baha purkara, war aiklaklabra kum kupia karna sa, sturi sin sinskira aisisa, mawan pain, witin sin Dawan hilpka brisa.

1 Samuil 18:15

Baha mita Saúl ba Debit ra sibri kan, witin diara dauki ba sut yamni baman taki ba mita.

1 Samuil 19:8

War ba kli bukan, bara Debit taki wan filisteo nani mapara aiklabaia bara pura lui, sut munan plapan.

1 Samuil 3:19

Samuil pâwan, Dawan lika witin wal kan, tâ baikan ai pramiska nani sut ba daukaia.