1 Samuil 17:39 - DAWAN BÎLA AISKA

³⁹ Bara sin sord ba Debit maisa ra wilkan ai prâka pura bâk, bara Debit mahka wapaia munan, sakuna witin baha sut wal wapi lan apia ba mita, Saúl ra win: —Naha sut purira na wal yang sip wapras, yang naku lan apia. Bara dukia nani ba sut kli sakan.

1 Samuil 17:39 ပူးပေါင်းရင်းမြစ်များ

Oseas 1:7

Ban sakuna, Juda kingka lâka ba lika umpira kaiki, yang ai Dawanka aimaki, witin nani ba swaki sakamna. Sakuna pantamangka, sord, aras nani, aras âiulra nani brih war aiklabi ni lika apia.”

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

1 Samuil 17:38

Saúl ai prâka ba Debit ra yan dimaia, bras sumurka ba sin ai lal ra bapan, bara ai lama prakaika ba sin.

1 Samuil 17:40

Sepad dusa ba bara walpa lalalni matsip tingni ba wina brih, ai sakbatka ra mangkan, ai praukpraukia ai mihta ra, bara Goliat mawanra taki wal ai mawan kat buan.