1 Samuil 17:34 - DAWAN BÎLA AISKA

³⁴ Debit pana win: —Yang, man king dukiam dadaukra, papiki sîpka nani main kaiki kapri ba ra, layan kum alki brih wan kaka,

1 Samuil 17:34 ပူးပေါင်းရင်းမြစ်များ

Blasi Sturka 31:39

Daiwan wail nani mita daiwram nani iki kan ba, baha sin aima kum pan bri sal maikras kapri. Sakuna baha pura mana ba yang wina man ra aibapi kapri. Kakna ra kra, tihmia ra kra sin, âimplikra nani daiwram implikan kaka, baha mana sin yang ra ai kulkram, yang bui man ra aibapi kapri.

2 Samuil 17:8

Man kasak kaikisma papikam ba bara ai uplika nani ba tahplu atia sa, baha nani sibrin âpu. Nanara kasak lawi pali kaia sa, wingku wail ai lupia paki kan mihta dakban ba baku. Baha purkara, aisikam sika war aiklaklabra, witin ai natka baku, tihmia ra lika ai uplika wala nani tilara takaski kabia apia.

2 Samuil 23:20

Benaías, Joiadá luhpia, Cabseel tawanka wina, witin daukanka tara manis pali daukan, waitna kum kupia karna sibrinkas kan. Ariel Moab wina ba luhpia waitna wâl ba witin bui ikan. Yu kum sin sno manis kauhi kan, bara witin tasba unta kum ra iwi wih layan kum ikan.

1 Kronikas 11:22

Benaías, Joiadá lupia, Cabseel tawanka wina, witin ba waitna kupia karnira pali kata, diara ailal dauki pura luata. Witin mita Ariel Moab wina luhpia waitna wâl ba ikan. Yu kum lî klaswan kauhi kan piua ra, liwanhta kum ra dimi wih, baha bilara layan kum ikan.

Lawana Nani 143:5

Piua nani luan ba ra kupi kraukisni, bara lukisni man diara sut daukram ba dukiara.

Isikiel 34:12

Sepad kum ai sîpka nani dukiara uya luki ba baku yakabrira piua ra, baku yang sîpki nani dukiara lukamni; swaki sakamni baha pliska tihmu bara lâ tara yua kum ra yakabrira takan ba wina.

Emus 3:12

Dawan naku aisisa: “Sepad kum, layan bîla wina sîp kuhma wâl pan, apia kaka kiama tâ lupia pan aiklabi dakbi bri ba, baku sim natka ra, Israel luhpia nani Sameria tawanka ra ba, swakwan kabia; baha nani ai iwaika swapni tara purara aitniki ba, Damaskus ra.”

Sakaraya 11:16

Kan yang naha kuntrika ra sepad kum mangkamna sîp aimawahkan ba dukiara diara lukras kabia ba, tiwan ba plikbia apia, insauhkan nani ba sîka daukbia apia, swapan ba sin plun yabia apia, sakuna sîp kau batana nani ba sut pibia, sûska nani sin swibia apia.

Sakaraya 9:7

Witin nani bîla wina, wîna tala wal pi ba sakamna, piaia win pata nani pi ba, napa nani wina sakamna. Ban sakuna, baha uplika nani ba tila wina, yang upliki nani kaia takaskbia; baha nani ba, Juda kiamka tilara kulkan kabia, bara Ecrón ba sin, upliki nani tilara kulkbia, Jebús uplika nani upliki nani takan ba baku.

Luk 2:8

Betlehem tawanka lamara, twi ra sepad nani takaski kan; witin nani tihmia ra ai sîpka nani main kaiki kata.

Jan 10:11

Yang sika Sepad yamni ba. Sepad yamni ba ai sîpka nani tâwan ai rayaka ba yabaia wilin sa.

Roman 5:4

Bara wihka bîla kaikaia lâka ba mita hilp wan munisa aitani kat takaia, bamna aitani kat takan ba mita wihka bîla kaikaia lâka ba yawan brisa.

Hibru Nani 11:33

Kasak lukan lâka mita, witin nani aiklabi kuntri nani win takan, pain wihta aimakan, bara Gâd mita hilp yaia pramis munan kan ba sin alki banhwan. Layan nani bîla nani prakan,

Param Marikanka 13:2

Naha daiwra saura kaikri na limi baku kata, mina nani ba wingku tara mina nani baku, bara bîla ba lika layan bîla baku. Dragun ba mita witin ra ai karnika, ai kingka iwaika, bara wihta lâka tara alki kaia ba sin yan kan.

Wihta Nani 14:6

Bara Dawan spiritka ba Samson ra iwan, witin waitna karna takan, ai mihta ni layan ba prak alki klahkla ba kuhma wal kalkan, guts luhpia kum ra alki kalki baku; sakuna witin baha daukan ba dukiara, ai aisa nani ra diara wiras kan.

1 Samuil 17:15

Saúl kiampka ra wata, bara kli Betlehem ra tawi wan, ai aisa sîpka ba main kaikaia.

1 Samuil 17:33

—Man yakan waia sip apia baha filisteo wal aiklabaia —Saúl pana win—, kan man kau wahma pali sma; mampara witin lika waitna takan, wahma wina war aiklabisa.

1 Samuil 17:35

yang nina bliki wih ai bîla wina kli saki bri bal kapri, bara tawi yang ra ai alkaia munan kaka, pana kmakmaya wina alki pruki iki kapri.