1 Samuil 17:28 - DAWAN BÎLA AISKA

²⁸ Sakuna Eliab, Debit muihnika almuk ba, walan ai muihni waitna nani wal aisi kan ba, witin ra ai kupia sauhki win: —¿Dîa daukaia man nâra balram? ¿Sîpkam nani twi ra ba ya wal swiram? Man kupiam karna, lukankam saura brisma ba kakaira sna, war aiklabi ba kaikaia dukiara baman man nâra balram.

1 Samuil 17:28 ပူးပေါင်းရင်းမြစ်များ

Blasi Sturka 37:11

Bara ai muihni nani lika witin ra tumi kan, sakuna ai aisika lika, baha tânka kaiki aisin ba dukiara uya luki kaiki kan.

Blasi Sturka 37:4

Sakuna ai muihni nani ba ai dara wali kaikan ai aisika ba Josep ra kau latwan kaiki ba, witin nani ra lika baku apia. Bara witin nani Josep ra misbara kaikan, bara lakula sin daukras kan.

Blasi Sturka 37:8

Bara ai muihni nani pana witin ra win: —¿Man baha wal wan wiaia want sma, man ba yang nani kingki aimakaisma, bara man mita yang nani ra lâ aiki kaia lukisma? Bara baha yaprisauhkanka kaikan ba tâwan, bara tânka sin laki win ba sut tâwan, witin nani bui Josep ra kau misbara kaikan.

2 Kronikas 11:18

Roboam ba Mahalat ai maya brin, witin ba Jerimot luhpia mairin, Debit bara Abihail wal luhpia ba, Eliab luhpia ba, bara baha ba Jesé mulika.

Lawana Nani 35:11

Witnis watawi aisasara nani ba, maipara bûi banhwisa, bara diara tânka briras sna ba dukiara ai makabi walisa.

Sins Lâka 18:19

Muihni nani ra mina prukan ba kau pâwisa wihki tawan karnakira kutbanka ba wal. Blahwanka ba dakbi sakisa, king watla ayan durka ba baku.

Sins Lâka 27:4

Wan kupia laptika ba krakraka sa, lawan tara ba sin diara sauhki tikisa; sakuna diara tumaia lâka ba sip alki takaskras.

Smasmalkra 4:4

Kaikri wark ailal takaia ba, bara nahki taki ba, bisnis uplika kum wala ra tuman lâka brih aula, bara baha sin bahki sa, pâsa ra alkaia baku.

Matiu 10:36

baku bamna, baha nani ai taya watla ra ba ai waihla nani kabia.

Matiu 27:18

Kan Pailat kaikan Jisas ra tuman brih banhwi kan ba mita sika ai mihta ra mangkan ba.

Mark 3:21

Jisas taika nani naha kaikan, witin ra brih waia balan, kan upla nani aisi kan Jisas ba lal saura takan sa.

Judas 1:10

Sakuna naha uplika nani lika witin nani ai nakra kaikras ba dukiara saura aisisa; ai sinska ni dukia tânka pliki kaiki ba lika sim daiwan nani ai sinska âpu ni kaiki ba baku sa, bamna dukia nani yus muni ba lika, witin nani yakan âpu takaia dukiara sa.

1 Samuil 16:13

Bara Samuil batana laya batilka ba brin, bara muihni nani kaiki kan, wahma ba batana laiki king mangkan, ai nina Debit mâki kan ba. Baha awarka yua wina, Dawan spiritka karnika ba Debit wal kan. Baha warkka sut luan ba ra, Samuil witin nani lakula dauki si Ramá ra wan.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”

1 Samuil 17:29

Debit pana aisin: —¿Yang na dîa daukri, kan bîli baman aisari ba?