1 Samuil 17:26 - DAWAN BÎLA AISKA

²⁶ Debit makabi walan, upla nani ai lamara kan ba ra: —¿Ya naha filisteo na iki, swira lâka ba Israel wina diki sâkbia ba mana, dîa pali baha waitnika ra yabia? Kan, ¿witin na ya sa ki, filisteo idan saura na Gâd rayakira suldiarka nani ra bit munaia?

1 Samuil 17:26 ပူးပေါင်းရင်းမြစ်များ

2 King Nani 19:4

Ban kra Dawan man Gâdkam ba walan baku sa, Asiria kingka bui ai wihta tara kum saki blikan Gâd rayakira ra lahtubaia bara sturi saura nani wiaia, Dawan Gâdkam ba bui naha uplika nani ra klala yabia, baha aisanka yamni apia nani Dawan mapara aisan ba tâwan. Witin nani ai tila kat kau kum kum takaskan bâra sa, baha nani dukiara puram suns.”

2 Kronikas 32:17

Baha purkara, Senaquerib wauhkataya ulban praut bîla nani Dawan Israel Gâdka mapara, bara baha lika naku ulban kata: “Kuntri wala tawanka gâdka nani bui karniki wina sin swaki takras kan ba baku, Ezequías Gâdka ba sin sip apia kabia yang karniki wina ai tawanka swaki sakaia.”

Nihimaya 5:9

Bara kau wîri: “Man nani daukisma ba yamni apia sa. Man nani wan Gâdka sibrinka ra tauki banhras sma, upla sât wala wan waihla nani ba mita wan swira paski kaia apia dukiara.

Lawana Nani 44:13

Laimara iwi nani ra yaram, yang nani ra laihtubisa; yang nani kir iwi nani ra yaram laiwaska kiki bahki pali ai kulkisa.

Lawana Nani 74:18

Dawan, man waihli nani saura ai muni ba, âmya tikpara; bara baha uplika man ra lukras ba, man mampara saura man aisisa.

Lawana Nani 79:12

Man, Dawan, aima 7 pana saura muns, laimara uplika nani ra, witin nani man kupiam sauhkan bamna;

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 9:25

Dawan kasak aisisa: “Yua ba aula baha uplika nani, ai wîna ra Aisa sainka dauki ba sut klala yabaisna:

Jirimaya 9:26

Idsip uplika nani, Juda, Edom, Amón, Moab uplika nani sin, bara upla iwras tasbaya nani ra iwi ba sin, witin nani ai tâwa irbisa. Sakuna baha uplika nani sut Israel luhpia nani ba sin, kupia lukanka nani ba lika idan baman sa.”

Isikiel 28:10

Tringsar nani mihta ra pruma, upla gâdkas nani prawi ba baku. Yang, Dawan ba, aisari; Yang baku aisaia wîri.’ ”

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 6:27

Witin ba swaki sasakra bara dakbi sasakra sa, sain aihkakira dadaukra sa, kasbrika purara naha tasba ra sin witin bui Daniel ba swaki sakan, layan nani asmala nani ba wina sin.”

Daniel 9:16

Dawan, yang nani kaikisna man ba kupiam yamnikira pali sma. Bamna mamkabisna kupiam wilin kaka lawankam ba Jerusalem pura wina sâks, kan baha ba man tawankam sa, bara man ilkam holikira sa. Upla sât wala nani wan tawanka tnaya ra iwi nani ba kiki banhwisa Jerusalem ba dukiara, bara uplikam nani ba dukiara sin, yang nani bara wan almukka nani wal saurki ba mita.

Joel 2:19

bara Dawan bui witin nani ra win: “Yang bui man nani ra plawar mâ, wain mâ, oliv mâ batanka laya sin blikamna, man nani âmyapah takma ba kat; bara idan nani ba, swirka kli man nani lamwaska kiki kabia apia.

Kli Smalkanka 5:26

Bamna, ¿upla kum bâra sa ki, sip kabia Dawan rayakira bîla baikra walaia pauta klauhan lilapas wina aisisa ba ra, yang nani walri ba baku, bara witin pruras raya kaia?

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

Jasua 3:10

Dawan rayakira ba man nani tilamra bâra ba tânka man nani naku brima, man nani awala lui auma ba tâmra witin wabia, bara Kenan uplika nani ba, hitita nani, heveo nani, ferezeo nani, gergeseo nani, amorreo nani bara Jebús uplika nani ba sut munka plapbia.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

1 Samuil 11:2

Nahas Amón wina ba, pana witin nani ra win: —Man nani wal lâ daukamni, sakuna naha natka ra lika, yawan aikuki lâ daukamni bara man nani sut âu wima kaka. Man nani kumi bani namkra aihkika ba daikamna, bara swira lâka Israel purara brih balbia.

1 Samuil 14:6

Bara Janatan ai hilpika ra win: —Bus, kaisa tnaya wala ra iwi waia, bara baha idanka nani bâra ba wal prawbia kat. Ban kra Dawan diara kum daukbia yawan wan dukiara, yawan upla ailal kra, upla maura kra kabia, sakuna witin sip sa pura luaia lâka ba wankaia.

1 Samuil 17:10

Naha yua ra, yang bui Israel suldiar nani ra bit munisna. ¡Man nani waitna kum saki aik, yang wal aiklabaia!

1 Samuil 17:30

Ai muihni wina tnaya ra tawi, bara kli wala ra makabi walan tâura makabi walata ba baku, witin nani sin tâura dîa aisin ba baku kli win.

1 Samuil 17:36

Baku layan kum bara wingku tara kum sin, yang warkkam dadaukra mita ikatna. Naha filisteo idan na ra sin baku takbia, witin ba Gâd rayakira suldiarka nani mapara bûi bamna.

1 Samuil 31:4

Baku bamna, ai hilpika sord twilki kan ba ra win: —Sordkam saki baha ni ai iks, naha idanka nani bal ai iki yang wal ai liliaka briaia apia tâwan. Sakuna hilpika ba baku daukaia brin daukras kan, witin sibrin pali dauki kan ba mita. Bara Saúl ai sordka saki baha purara kauhan.