1 Samuil 17:18 - DAWAN BÎLA AISKA

¹⁸ Naha kwahadu matawalsip na sin brih was, bara kamandanti ba ra yas. Muihkam nani ba sin pain laki kaiks, witin nani ba nahki sa sapa. Bara kli balma taim sturi kasak ba ai wis, witin nani ba kaikram ba ra, pain sa sapa.

1 Samuil 17:18 ပူးပေါင်းရင်းမြစ်များ

Blasi Sturka 37:13

Bara Israel bui ai luhpia Josep ra win: —Josep, kaiks, man muihkam nani ba Siquem ra sîp nani ba main kaikisa. Yang brin ai daukisa man muihkam nani kaikaia wama. Josep pana win: —Papiki, yang liliakira wamna.

Blasi Sturka 37:14

Ai aisika Israel pana witin ra win: —Aitani, luhpi, bamna nanara man was, muihkam nani bara daiwan nani ba sin sut laki kaiks, witin nani ba nahki sa sapa, bara man kli bal sturka ba ai wis. Israel bui Josep ba Hebrón ilka bîla wina blikan witin Siquem kat wan.

2 Samuil 17:29

nasma laya, kwahadu, kisu bîp tialka wina, sîp tialka laya wina sin, Debit baha piaia ai uplika nani aikuki witin wal tauki ba; kan witin nani lukan, naha nani upla iwras tasbaya wina aula swapan, plun dauki bara diran sin daukisa.

Ester 2:11

Bara Mardoqueo ba, yu bani mairin nani watla ba mawanra kirhbi watauki kan, Ester ba nahki auya sapa kaikaia wisi, bara dîa witin ra muni sapa kaikaia dukiara sin.

Job 10:10

Man bui yang wîni na ai paskram, sim bîp tialka laya klaswi ba baku.

Impakan Sturka 18:7

Bara Moses taki wih ai dapna lakula daukan. Witin ai dapna ra ai lal bawi lakula dauki alki kiawalan; bara ai lakula daukan ba ningkara, witin nani ai tintka bilara diman.

Apastil Nani Sturka 15:36

Baha yua nani ningkara, Pal Bernabé ra win: —Kaisa kli wan muihni nani ba nahki sapa kaikaia, baha pliska nani sut ra yawan bui Dawan sturka smalkan nani ra.

Wihta Nani 18:15

Waitna matsip ba baku aisi bara witin nani ai mânka Micaías watla ra wan, Libait wahma ba lakula daukaia, bara witin nani ai lakula daukan.

1 Samuil 16:20

Jesé âu win, bara witin biriku kum ra brit prahkan, wain sin daiwan taya batilka kum sunan, guts lupia sin kum sakan. Bara Debit ba Saúl ra blikan, dukia nani ba yabaia.

1 Samuil 17:19

Baha piua sut lika Saúl bara Debit muihnika nani ba bara Israel luhpia nani aikuki Elá ilka bîla ra filisteo nani wal unsabi kan.

1 Samuil 30:21

Waitna nani 200 swapan pali kan ba mita witin nani wal aiklabaia sip waras kan ba, Debit baha nani ra wan, witin nani Besor tingnika ra bâra kan ba, sut taki balan witin ra bara ai uplika nani ra sin briaia. Debit baha nani lamara wan bara lakula daukan.