1 Samuil 16:5 - DAWAN BÎLA AISKA

⁵ Samuil pana win: —Baku sa. Yang aulna Dawan ra sakripais kum dauki yabaia. Man nani klin taks bara kaisa yang wal waia sakripais ba daukaia. Bara Samuil mita Jesé bara luhpia nani ba klin daukan, ningkara paiwan aikuki waia sakripais daukaia ba pliska ra.

1 Samuil 16:5 ပူးပေါင်းရင်းမြစ်များ

Blasi Sturka 35:2

Jekob ai taya nani sut witin wal tauki nani ba ra win: —Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims.

1 King Nani 2:13

Bamna Adonías Haguit luhpia ba, Salaman yaptika Betsabé ra wan. Bara mairin ba bui makabi walan: —¿Man balram na kupia kumi lâka wal ki? Bara witin bui pana win: —Âu, kupia kumi lâka wal.

1 Kronikas 12:18

Bara Amasai, 30 nani lalka ba, spirit witin nani ra iwan bara winan: “¡Debit, Jesé luhpia, kupia kumi lâka kabia man ra! ¡Kupia kumi lâka ba ban man wal kabia! ¡Kupia kumi lâka man ra bara baha nani hilp mai muni nani ba ra sin, kan Dawankam ba man ra tâm baikan sa!” Debit baha nani ba yamni brin bara war aiklaklabra daknika nani lalka tilara brin.

Job 1:5

Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Impakan Sturka 19:10

bara Dawan kli witin ra win: —Was bara upla nani ra wis, naiwa bara yauhka wal ba, witin nani ridi takaia sa yang ra mayunra kum dauki aikaia. Witin nani ai kwalka nani ba tuski sakaia sa,

Joel 2:16

Dawan uplika nani ba, asla kuki bris, bara sunu dauki banhs; tawan tâ uplika, lâ dadaukra almuk nani ba, asla dauki banhs, tuktan nani, tuktan swap nani tiala di ba sin sut asla dauks. ¡Bisi pali marit takan nani ba sin, ai watla wina taki balbia wis!

Sofonías 1:7

¡Man nani, Dawan mawanra sâp bas, kan Dawan yua pat aula sa bamna! ¡Dawan ba sakripais kum daukaia pat ridi pali sa, bara paiwan uplika nani ba sin, Dawan lamara ridi daukan sa!

Kulki Kaikanka 11:8

Upla nani baha pliki wahbi bri kan, baha piaia. Walpa ra akbi piaki kan, baha ni turtiya dauki kan.

1 Korint 11:28

Baku bamna, kumi bani brit ba piaia bara kâp ba wina diaia kainara, ai kupia dara walra ba laki kaikaia sa.

Jasua 3:5

Klin takaia dukiara sin Jasua bui witin nani ra win: “Man nani sin klin taks, yauhka kaikma Dawan ai warkka aihka nani dauki ba.’’

Jasua 7:13

Bus bara upla nani sut paiws balbia. Witin nani ra wis upla sut ridi takbia yauhka yang maiwanra bal buaia. Yang Dawan, Israel Gâdka, yang naha bîla nani man nani ra aisaia brisna: ‘Man, Israel, diara sut sauhki âpu tikaia kapram ba dukia nani ba wina diara nani briram, bara baha dukia nani ba sut sauhki lulki swiras kama kaka, waihlam nani mapara sip buma apia.’

1 Samuil 20:26

Baha yua Saúl diara aisaras kan, witin ba lukan Debit ra diara kum takan tâski kulkan, bara kau klin takras kan.