1 Samuil 16:19 - DAWAN BÎLA AISKA

¹⁹ Bara Saúl upla nani saki, Jesé ra ai bîla blikan, witin ra wiaia: “Luhpiam Debit ba yang ra blîks, witinka sîp main kakaira ba.”

1 Samuil 16:19 ပူးပေါင်းရင်းမြစ်များ

1 King Nani 19:19

Ilayas baha wina taki auya kan, witin Sefat luhpia Ilaidsa ba wal prawan, tasba baiki kan, bîp wainhka yok mangki yan ai kainara tasba baiki kan, bara lâs ba lika witin brih auya kata. Bara Ilayas bûi Ilaidsa kaina bâk tawi ai prâka ni pura prakan.

Lawana Nani 113:8

Bara baku witin ra yabisa upla tara nani wal iwaia, ai uplika tara ba wihtka tara nani wal iwaia sin.

Emus 1:1

Naha sika Dawan bîla dahra, Sepad Emus sîp nani main kakaira, Tecoa tawanka ra brin ba, Israel ra naika takaia ba, tasba nikbras mani wâl ba kainara. Baha piua ra Ozías Juda Kingka aimaki kan, bara Jeroboam, Joás lupia ba, Israel kingka aimaki kan.

1 Samuil 16:11

Baha nani sut kaikan ba ra witin makabi walan: —¿Man luhpiam waitna kau wala brisma ki? Jesé pana wina: —Kau sirpi kumi baman brisna, witin sîp nani main kaikisa. Samuil bila pana win: —Mata blîks, witin ba brih balbia; witin balbia ba kat, yawan naha pura sunra na daukbia.

1 Samuil 16:18

Bara albika nani tila ba wina kum bui naku win: —Betlehem ra, Jesé luhpia waitna nani ba tilara kum bâra sa, yang kaikisna baha lika arp kakangbra pali sa. Baha purkara, war aiklaklabra kum kupia karna sa, sturi sin sinskira aisisa, mawan pain, witin sin Dawan hilpka brisa.

1 Samuil 16:20

Jesé âu win, bara witin biriku kum ra brit prahkan, wain sin daiwan taya batilka kum sunan, guts lupia sin kum sakan. Bara Debit ba Saúl ra blikan, dukia nani ba yabaia.

1 Samuil 17:15

Saúl kiampka ra wata, bara kli Betlehem ra tawi wan, ai aisa sîpka ba main kaikaia.