1 Samuil 16:1 - DAWAN BÎLA AISKA

¹ Dawan ba Samuil ra win: —¿Ahkia kat man sari ban kaisma Saúl dukiara? Yang brin ai daukras s witin ba Israel kingka ban kabia. Was, aringka brisma ba batana laya ni banhkram, bara brin ai daukisa man Jesé watla ra wama, Betlehem ra, Jesé luhpia nani tila wina kum pat sakri sa king mangkaia.

1 Samuil 16:1 ပူးပေါင်းရင်းမြစ်များ

1 King Nani 8:16

‘Idsip wina upliki Israel luhpia nani sakatna ba wina, tawan kumi sin bâk sakras kapri Israel kiamka tila wina, anira tempel kum bapka yang nini ba bahara kabia dukiara. Debit ba upliki Israel luhpia nani tâ briaia bâk sakri.’

2 King Nani 9:1

Bara prapit Ilaidsa mita prapit nani daknika tila wina kum paiwan balan, bara win: —Taki waia ridi bas. Naha batanka laya na bris bara Ramot Galaad ra was.

2 King Nani 9:3

Ba ningkara, man batana laya batilka ba brih ki lal ra laiks, bara wis: ‘Dawan naku win sa: Yang mita Israel kingka kaia mai mangkisna.’ Bara ningkara dur ba bukutbi takaskras plaps.

2 King Nani 9:6

Bara Jehú baha wina buan, bara utla ra diman. Bara prapit mita ai lal ra batana laya ba laikan, bara win: —Naku wisa Israel Gâdka ba: ‘Yang bui Israel kingka mai mangkisna, baku upliki nani tâ brima.

1 Kronikas 11:3

Naku natka ra, Israel almukka nani sut ba, king Debit wal aisaia wan Hebrón ra, bara witin baha nani wal lâ kum daukan, Dawan ba ai witniska mangki. Bamna witin nani bui Debit ra batana laikan, Israel kingka kaia, Dawan bui dîa Samuil ra pramis munan kan ba baku.

1 Kronikas 28:4

Ban sakuna, Dawan Israel Gâdka ba bui aisiki watla bîla ba wina, yang na bâk ai saki, Israel kingka ban kaia ra ai mangkan sa. Bamna witin Juda kiamka ba bâk saki brin, kiamka kumi tâ aimaki kaia, Juda kiamka tila ba wina waitla uplika nani ba bâk sakan, bara muihki nani tila ba wina yang na bâk ai sakan Israel aiska kingka kaia.

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Aiseya 55:4

Kaiks yang bui witin ra yâri upla nani sut ra witnis aisaia, tâ uplika kaia, bara nisan nani smasmalkrika kaia.

Jirimaya 11:14

Bahamna Jirimaya, man, naha uplika nani tâwan puram sunpara; witin nani hilpka ra makabi yang ra puram sunpara, kan witin nani pât tara ra dimbia bara hilp briaia yang ra ai pura sunbia sakuna walamna apia.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 6:30

Witin nani nina ba mâkan kaia sa “silbar saura pali takan”, Dawan, man bui witin nani ba lulki swiram bamna.

Jirimaya 7:16

“Jirimaya, man naha uplika nani tâwan aisi puram sunpara, tâwan kau ban aisi kapara. Ai taibi ai aisapara, kan yang mai walamna apia bamna.

Sakaraya 4:14

Bara witin kli ai win: “Baha nani wâl ba sika, bâk saki ridi daukan sa, Dawan warkka daukaia tasba aiska ra.”

Roman 15:12

Prapit Aiseya sin ulban: “Jesé kiamka wina urhwi bal takbia, nisan nani pura wihtka aimakaia bal takbia, baha nani sin witin ra bîla kaiki kabia.”

Hibru Nani 11:32

¿Bara dîa kau aisamna ki? Piua uya âpu sna Gedeón dahra aisaia, Barac dahra, Samson dahra, Jefté dahra, Debit dahra, Samuil dahra, bara prapit nani dahra sin.

1 Jan 5:16

Upla kum kaikisa kaka, ai muihni kum pruaia apia saurka kum daukisa, witin ai pura sunaia sa, bara Gâd mita raya kaia lâka ba yabia, baha ba pruaia apia saurka sa kaka. Saurka bâra sa pruaia dukia, bamna yang wiras bahmuna saurka dukiara puram sunaia.

1 Samuil 10:1

Samuil batana laya batil kum brih, Saúl lal ra laikan bara win: —Dawan bui naiwa ai uplika Israel luhpia nani wihtka bâk mai sakisa, ai uplika Israel ra. Man bui witin nani lâka daukma bara ai waihla nani ai kaina kir ba mihta wina sin pri sâkma. Batana mai laikisna na sika Dawan bui wihta mai mangki ba tânka marikisa.

1 Samuil 15:11

—Yang sari sna Saúl king mangkri ba, witin bui yang wina tnaya tawan bara bîli kat wali daukras. Samuil kupia ra trabil munan bamna, witin tihmia aiska Dawan ra ai pura suni lalawan.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”

1 Samuil 15:26

Samuil pana win: —Yang lika man wal kli tawi wamna apia, kan man Dawan adarka bîla nani ba bahki kulkram, bamna nanara witin mita sin Israel king lâka wina bahki mai kulkisa.

1 Samuil 15:35

Baha yua wina Samuil kli Saúl ra wih kaikras kan, witin pruan yua ba kat. Sakuna sarka lika tara bri kan, nahki Dawan ba kli sip ai kupia lakras kan, Saúl Israel kingka mangkan ba dukiara.

1 Samuil 16:15

Ai albika nani ai dukia dauki nani ba mita king ra win: —Wan dawanka, man kaikisma pirit saura kum Gâd wina blikan, man ra rau mai sauhkisa.

1 Samuil 16:23

Baku kan, ani piua Dawan wina pirit saura ba Saúl ra rausauhkaia aula ba ra, Debit ai arpka alki ba ra mahka kangbi kan; baha wal Saúl kupia ba kli pain taki kan, bara pirit saura ba witin wina swi si auya.

1 Samuil 17:12

Waitna kum bâra kan Betlehem wina, nina Jesé, Saúl piua ra witin pat almuk kan. Naha waitna ai luhpia 8 bri kan, witin nani kumika ba Debit.

1 Samuil 9:16

“Yauhka, sim naha awarka, waitna kum man ra blikamna Benjamín tasbaya wina, man bui witin ba batana ni laikma, yang upliki Israel luhpia nani wihtka kaia, witin bui witin nani ba filisteo nani karnika ba wina dakbi sâkbia, yang sin upliki nani kupia lukra ba wal sna, ai inanka nani ba yang kat uli wan bamna.”