1 Samuil 15:33 - DAWAN BÎLA AISKA

³³ Sakuna Samuil witin ra win: —Man sordkam ni mairin ailal ra luhpias swiram sa. Bamna naiwa man mamikam sin luhpias takbia. Kau diara aisaras, Guilgal kat Dawan mawanra Agag ba klaki pîs pîs daukan.

1 Samuil 15:33 ပူးပေါင်းရင်းမြစ်များ

Blasi Sturka 9:6

“Ani uplika ai walka tâlia laiki ba, kli upla wala mita sin witin ai tâlia laikan kabia; kan upla ba Gâd lilka ra paskan bamna.

1 King Nani 18:40

Bara Ilayas witin nani ra win: —¡Baal prapitka nani sut alki banhs! ¡Yarka kumi sin swakbiara! Bara upla nani mita sut alki banhwan, bara Ilayas brih wan Quisón tingnika ra, bara bahara sut kat nana dakban.

Impakan Sturka 17:11

Moses ai klahkla ba buki bri kan ba ra, Israel luhpia nani mita Amalec uplika nani ra pura lui kan. Sakuna Moses ai klahkla ba mâyara ikan ba ra, Amalec uplika nani ba mita Israel luhpia nani ra pura lui kan.

Impakan Sturka 21:24

Nakra kaka, pana sin nakra, napa kaka, pana sin napa, mihta kaka, pana sin mihta, mina kaka, pana sin mina.

Aiseya 34:6

Dawan sordka ba, tala bara batanka nani ni aibanhbia, sîp bara guts wainhka nani sakripais daukaia ikan baku; Dawan Bosrá ra sakripais nani daukaia brisa, bara upla ailal ikbia Edom tasbaya ra.

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 48:10

(¡Baha uplika Dawan ai warkka daukaia yan ba liliakira daukras ba saura pali kabia! ¡Saura pali kabia baha uplika ra upla iki nani ba tilara dimi ikras ba!)

Oseas 6:5

Baha mita prapit nani aisin ba baku, yang bui man nani ra yuya baman mai daukri; yang bîli smalkanka ba ni, man nani mai ikri. Kasakki lâka ba ingni baku ingwisa.

Kulki Kaikanka 14:45

Bamna baha tasbaya ra iwi kan nani ba bal takan, Amalec uplika nani bara Kenan uplika nani sin. Bara Israel luhpia nani ra nina blikan ban Hormá kat, iki âpu daukan.

Matiu 7:2

Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Param Marikanka 16:6

Kan witin nani sika Gâd uplika nani tâlia, bara prapit nani tâlia sin laikan, bara nanara man ba witin nani ra tala yabram diaia. Witin nani dîa briaia aitani kan ba nanara brisa.”

Param Marikanka 18:6

Upla wala nani ra dîa yaban ba baku, witin ra sin yas, bara dîa daukan ba mana wâl prais aibaps. Ai kapka upla wala nani ra diaia dukia abalki yan ba, witin ra aima wâl prais kau karna abalki yas.

Wihta Nani 1:7

Bara Adonisédec aisin: “Yang bui pat king nani 70 mihta bara mina wihtka nani ba klaki dakbri sa, bara yabri witin nani tibilki munhtara plun yuyaka nani wahbi pi kan. Sakuna nanara yang wala nani ra dîa munri ba baku, Dawan sin yang ra ai daukan.” Bara witin nani bui witin ba Jerusalem ra brih wan, bahara witin pruan.

1 Samuil 10:8

Bara Guilgal kainira was; yang bâra wamna man wal prawaia, bahara wîna aiska angkaia, wal kli uplika takaia sakripaiska nani ba sin daukaia. Yu 7 bîli kaiki bas, yang wamna ba kat, bara yang bui mai wimna dîa daukaia sma ba.

1 Samuil 15:32

Baha ningkara Samuil adar yan: —Man nani Agag ba maiwanra brih bal, witinka Amalec kingka ba. Agag sibrin âpu bal, Samuil mawanra buan; witin luki kan witin pruaia pâtka saura ra kan ba wina pat luan sa.