1 Samuil 15:11 - DAWAN BÎLA AISKA

¹¹ —Yang sari sna Saúl king mangkri ba, witin bui yang wina tnaya tawan bara bîli kat wali daukras. Samuil kupia ra trabil munan bamna, witin tihmia aiska Dawan ra ai pura suni lalawan.

1 Samuil 15:11 ပူးပေါင်းရင်းမြစ်များ

Blasi Sturka 6:6

Bara Dawan sari takan, tasba ra upla paskan ba dukiara. Witin ai kupia ra praut lâka brin,

Blasi Sturka 6:7

bara Dawan win: “Upla nani yang paskri ba, tasba mawan wina diki âpu daukamni; upla bara daiwan nani sut ai biara purara kwasi tauki ba wina, pâli tauki ba kat sin sut. ¡Yang kupi sari takan sa, witin nani ba paskri ba dukiara!”

2 Samuil 24:16

Insal ba bui Jerusalem ba âpu pali daukaia takan bara Dawan kupia wirha takan, witin insal ra adar yan baku, rausauhkanka tara daukan ba, bamna insal ra win: “¡Aitani, baha kat takasks, tawan ba kau klala yapara!” Dawan insalka ba, Arauna, Jebús uplika nani wi ba, plawar mâ taya sakaika watla ba kat bâra kan.

1 King Nani 11:9

Bara Dawan, Israel Gâdka, Salaman mapara ai kupia sauhkata, kan witin wina ai kupia ba tnaya ra lakan bamna, kainara Dawan ba Salaman ra aima wâl pali latan takata,

1 Kronikas 10:13

Bamna baku Saúl ai saurka ba mita pruan, kan witin saura daukan bara Dawan lâ yan ba kulkras, sukia kumi ra ni wih wal aisin,

1 Kronikas 21:15

Bara Dawan insal kum blikan, Jerusalem ba sauhki tikaia. Bara sauhki kan ba kaiki, Dawan ai kupia ra latwan brin, bara insal ra win: “¡Baha kat takasks, ba kat aitani, kau sauhkpara!” Baha pali minitka ra, Gâd insalka ba Ornán Jebús uplika ba plawar taya saki pliska ba ra kan.

Job 34:27

Witin nani bîla wali kaia brin daukras kan ba mita, ai rayaka lâka nani sin brin daukras kan.

Lawana Nani 109:4

Laitwanka lâka ba watlika ra, maipara ni buisa; sakuna yang lika puri sunisna.

Lawana Nani 110:4

Dawan ba swer takan, bara ai kupia kli lakbia apia: “Man ba prîs sma ban kaia ra, Melkisedek baku lâka ra.”

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Lawana Nani 125:5

Sakuna baha nani yabal saura ra auya ba, baha nani brih was, saura dadaukra nani aikuki. ¡Kupia kumi lâka Israel ra bâra kabia!

Lawana Nani 36:3

Witin saura baman aisisa, kunin baman aisisa ba mita lâ kasak aisaia ba âuya tiwan, yamni kaia ba sin mahka swisa.

Lawana Nani 78:41

Sakuna kli witin ra traika kaikan; ¡Israel holika ra sarka paskan!

Lawana Nani 78:57

ai aisika nani kan ba baku, Gâd ba lulki swin bara witin nani lukras kan; ¡sim pantamangka bahki baku kulkan!

Impakan Sturka 32:11

Ban sakuna, Moses naha bîla nani aisi Dawan kupia baiwanka ba daskaia trai munan: —Ay, Dawan, ¿dîa muni kupiam baiwanka ba uplikam nani purara bri balma, man mihtam karnika wal witin nani ba Idsip tasbaya wina sakram apia?

Impakan Sturka 32:14

Bara Dawan bui ai uplika nani ra saura munaia lukan ba, ai kupia wina sakan.

Jirimaya 11:10

Ai damika nani saura daukan, saurka ba witin sin daukan, damika nani ba bîli wali daukaia apia win, bara gâd wala nani ninara wan, baha gâdka nani ra mayunan. Israel luhpia nani bara Juda uplika nani sin damika nani wal lâ daukri lâka ba krikan.

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 34:16

Sakuna baha ningkara man nani kli kupiam lakram, bara nini ra aisaram ba tuski dauki alba nani pri swiram ba kli priski munram man nani warkkam takaia.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Jirimaya 9:18

¡Âu, wis witin nani pat pali balaia bara yawan wan pura mata inbia; wan nakra nani laya man banhbia, inan man wan nakra taya nani sut buswan pali takbia!

Isikiel 18:24

“Kuna kasakkira ba ai natka kasak nani ba swibia kaka, bara diara saura nani sut ba kli daukbia saurakira baku; ¿man nani lukisma ki, witin ba raya kaia sa? Yang kli kupi kraukamna apia diara yamni daukan nani ba ra, ai kasakka lâka luha bara ai saurka ba tâka prubia.

Emus 7:3

Bamna Dawan kli ai kupia swapni daukan bara ai win: —¡Daukaia wîri ba baku daukamna apia!

Jona 3:10

Ninibi uplika nani dîa dauki ba Gâd kaikan, nahki witin nani ai tânka saura swin ba; bara witin ai kupia wal lâ daukan bara saura munaia wisata ba kli swin.

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Sofonías 1:6

Baha nani yang wina ilihwi taki ba, yang ra sin ai plikras hilpki sin makabras nani ba sut sauhki âpu tikamni.”

Matiu 24:13

Sakuna ya tnata kat ban bapi bubia ba, swaki sakan kabia.

Matiu 5:44

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

Luk 6:12

Baha piua nani ra Jisas il kum ra uli wan ai pura sunaia, bara witin tihmia aiska Gâd ra ai pura sunan.

Hibru Nani 10:38

Sakuna yang upliki kasakkira ba lika, kasak luki raya iwi kabia, sakuna witin ai ninara tawbia kaka, witin dukiara lilia kamna apia.”

Jasua 22:16

—Yang nani lika Dawan uplika nani nina ra man nani ra aisisna. ¿Dîa muni man nani naha pât ra wan dingkaia warkka na, Israel Gâdka mapara daukram? Naha altarka man nani paskram na tâka mita sika, Dawan mapara bûi witin ra lulki swiram.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.

1 Samuil 13:13

Samuil pana win: —¡Man daukram ba lika tanis lâka kum sa! Man Dawan mai win ba bîla kat wali daukram kata kaka, kingkam lâka ba ban kaia ra bûi kaia kan.

1 Samuil 15:10

Ningkara Dawan bui Samuil ra aisi, win:

1 Samuil 15:3

Bahamna nanara, was bara witin nani ba sut âpu dauks, waitna nani ba, mairin nani ba, tuktan nani bara swap lupia nani ba sin, bîp wainhka nani, sîp nani sut sin, kiamilka bara biriku nani sut iki âpu dauks.’

1 Samuil 15:35

Baha yua wina Samuil kli Saúl ra wih kaikras kan, witin pruan yua ba kat. Sakuna sarka lika tara bri kan, nahki Dawan ba kli sip ai kupia lakras kan, Saúl Israel kingka mangkan ba dukiara.

1 Samuil 15:9

Ban sakuna, Saúl bara ai aiklaklabrika nani bui Agag ba ikras kan, daiwan kau pain, sîp wainhka nani, sîp mairin, bîp wainhka nani, bîp luhpia batanira nani kan ba, diara kau pain mana tara dukia nani kan ba sin sut sauhki tikras kan. Witin nani iki sauhki tikan ba lika diara bahki nani, diara sipar nani ba baman sauhki tikan.

1 Samuil 16:1

Dawan ba Samuil ra win: —¿Ahkia kat man sari ban kaisma Saúl dukiara? Yang brin ai daukras s witin ba Israel kingka ban kabia. Was, aringka brisma ba batana laya ni banhkram, bara brin ai daukisa man Jesé watla ra wama, Betlehem ra, Jesé luhpia nani tila wina kum pat sakri sa king mangkaia.

1 Samuil 8:6

Sakuna Samuil baha bîla yamni walras kan, witin nani bila king kum mangki yabia bara witin bui ai lâka dauki kabia win ba. Ba dukiara Samuil Dawan ra ai pura sunan,