1 Samuil 14:6 - DAWAN BÎLA AISKA

⁶ Bara Janatan ai hilpika ra win: —Bus, kaisa tnaya wala ra iwi waia, bara baha idanka nani bâra ba wal prawbia kat. Ban kra Dawan diara kum daukbia yawan wan dukiara, yawan upla ailal kra, upla maura kra kabia, sakuna witin sip sa pura luaia lâka ba wankaia.

1 Samuil 14:6 ပူးပေါင်းရင်းမြစ်များ

2 Samuil 1:20

Gat uplika nani ra wipara, Ascalón yabalka nani ra sin sturka na aisapara, filisteo mairin nani ba lilia takbia apia dukiara, baha idan mairin nani ba sin lilia pulbia apia mata.

2 Samuil 16:12

Ban kra Dawan lika yang trabilki nani kaikbia, bara naiwa saura ai win walisna na watlika ra, yamnika nani blîkbia.

2 King Nani 19:4

Ban kra Dawan man Gâdkam ba walan baku sa, Asiria kingka bui ai wihta tara kum saki blikan Gâd rayakira ra lahtubaia bara sturi saura nani wiaia, Dawan Gâdkam ba bui naha uplika nani ra klala yabia, baha aisanka yamni apia nani Dawan mapara aisan ba tâwan. Witin nani ai tila kat kau kum kum takaskan bâra sa, baha nani dukiara puram suns.”

2 Kronikas 14:10

Asá ba taki wal prawan ai waitnika nani wal, bara ai pliska brin war aiklabaia Sefata twiya ra, baha ba Maresá lamara kata.

2 Kronikas 14:11

Asá ba Dawan ai Gâdka ra ai pura sunan: “Dawan, tâ baikaia natka ba man mampa ra kumi sa swapnikira, apia kaka karnakira ra. ¡Bamna wan tâ baiks, Dawan wan Gâdka, kan yawan man ra bîla kaikanka brisa, man wan munram balan naha suldiar nani mapara aiklabaia! Man Dawan, wan Gâdka sma. ¡Mariks man mampara sip upla buaia apia ba!”

Lawana Nani 135:6

Dawan witin dîa daukaia ba sut daukisa, kasbrika pura ra bara tasba ra sin, kabu tihuka nani ra ba sut.

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Jirimaya 9:25

Dawan kasak aisisa: “Yua ba aula baha uplika nani, ai wîna ra Aisa sainka dauki ba sut klala yabaisna:

Jirimaya 9:26

Idsip uplika nani, Juda, Edom, Amón, Moab uplika nani sin, bara upla iwras tasbaya nani ra iwi ba sin, witin nani ai tâwa irbisa. Sakuna baha uplika nani sut Israel luhpia nani ba sin, kupia lukanka nani ba lika idan baman sa.”

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Sofonías 2:3

Bawikira nani sut tasba aiska ra, Dawan lâka bîla wali dauki nani sma ba, man nani sut Dawan ra pliks. Bawikira lâka ra, wapni lâka ra diara nani dauks, baku kra yukuwaika sâkma, Dawan lawanka yua ra.

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

Kulki Kaikanka 10:32

Man ba yang nani wal wama kaka, Dawan bui yang nani ra yamni ai munaia win ba aikbia ba ra, yang nani bui man ra sin yamni mai muni banhwamna.

Kulki Kaikanka 31:4

Kiamka 12 bani wina waitna nani 1,000 kumi war ra blikaia sa.

Matiu 19:26

Jisas witin nani ra kaiki si, win: —Upla nani naha na daukaia sip apia sa, sakuna Gâd lika diara sut daukaia sip sa.

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Jasua 14:12

Baha mita mamkabisna, nanara aikma tasba il pîska tara nani ba, Dawan pramis ai munan ba kat. Man kaikisma Anac kiamka tara nani ba baha piua wina bahara iwisa, bara tawan tara nani ba brisa, karnika tara sin. Sakuna yang daira walisna Dawan bui yang ra tâi baiki hilp ai munbia baha wina kangbi sakaia, Dawan dîa ai win ba kat.”

Wihta Nani 15:18

Bara Samson lî diran pali dauki kan, bara witin Dawan ra ai pura suni, naku win: “¿Nahki kan naha pura lui buaia lâka tara pali aikram na, bara nanara naha idanka nani na mihta ra ai swisma lî diran bla pruaia?”

1 Samuil 14:5

yahbra tani walpaya ba ai mawan ba Micmás kat bûi kan, waupasa tani ra walpaya ba ai mawan ba Guibeá kat bûi kan.

1 Samuil 14:7

Ai hilpika pana win: —Dîa daukaia lukankam ra brisma ba sut dauks, yang sin ridi sna daukaia lukisma ba tâm baikaia.

1 Samuil 17:26

Debit makabi walan, upla nani ai lamara kan ba ra: —¿Ya naha filisteo na iki, swira lâka ba Israel wina diki sâkbia ba mana, dîa pali baha waitnika ra yabia? Kan, ¿witin na ya sa ki, filisteo idan saura na Gâd rayakira suldiarka nani ra bit munaia?

1 Samuil 17:36

Baku layan kum bara wingku tara kum sin, yang warkkam dadaukra mita ikatna. Naha filisteo idan na ra sin baku takbia, witin ba Gâd rayakira suldiarka nani mapara bûi bamna.

1 Samuil 17:46

Nanara Dawan bui mihti ra mai mangkbia, naiwa yang mai ikamna, lamla sin klaki dakbamna, filisteo aiklaklabra nani wîna ba sin tnawira nani ra bara daiwan nani ra sin yarka pibia. Baku tasba aiska kaikbia Israel ra Gâd kum bâra ba;

1 Samuil 17:47

upla sut nâra aidruban na kaikbia Dawan ba sord ni bara langsa ni sin swaki wan sakras. Naha na Dawan warka, witin bui wan mihta ra mai mangkbia.

1 Samuil 31:4

Baku bamna, ai hilpika sord twilki kan ba ra win: —Sordkam saki baha ni ai iks, naha idanka nani bal ai iki yang wal ai liliaka briaia apia tâwan. Sakuna hilpika ba baku daukaia brin daukras kan, witin sibrin pali dauki kan ba mita. Bara Saúl ai sordka saki baha purara kauhan.