1 Samuil 14:41 - DAWAN BÎLA AISKA

⁴¹ Bara Saúl karna inan: —Dawan Israel Gâdka, ¿dîa kan warkkam dadaukra ra naiwa pana aisaras sma? Pâtka ba yang brisna kaka, apia kaka luhpi Janatan brisa kaka, lat nani lulkamna bara Urim bal takbia; sakuna Israel luhpia nani ba pâtkira sa kaka, lat ba lulkbia bara Tumim bal takbia. Bamna latka ba Janatan bara Saúl wal purara kauhan, bara upla nani ba swak takan baha pâtka ba wina.

1 Samuil 14:41 ပူးပေါင်းရင်းမြစ်များ

Sins Lâka 16:33

Upla bani sika lat lulkisa; ban sakuna dîa takaia sut ba Dawan mihta ra sa.

Sins Lâka 18:18

Lâ kasak pali dauki ba lika blahwanka nani takaskisa, bara dakbi sakisa ani daknika aiklabi ba ra.

Jona 1:7

Duri ra wark taki nani ba lika ai tilara aisi banhwi kan: —Kaisa lat lulki kaikpi, baku lika ya pâtka mita naha trabilka tara wan alki na yawan kaikbia. Witin nani lat ba lulkan bara pât ba Jona ra kauhan.

Apastil Nani Sturka 1:24

Witin nani baha dukiara naku ai pura sunan: “Dawan, man baman sika upla nani kupia tânka kaikisma ba; wan mariks naha waitna wâl na wina, ani pali ba man bâk sakram

Apastil Nani Sturka 1:26

Witin nani lat ba lulkan, bara baha ba Matías ra kauhan, bamna baha piua wina Matías lika apastil nani tilara kulkan kan.

1 Samuil 14:40

bara Saúl Israel luhpia nani ra win: —Man nani sut baha tani ra baman taws, bara luhpi Janatan ba yang wal baman naha tani ra buamna. Bara dakni ba pana win: —Man nahki kau yamni kaikisma ba kat dauks.

1 Samuil 14:42

Bara Saúl kli win: —Lat nani kli lulks luhpi Janatan bara yang wal dukira. Bara lat ba Janatan purara kauhan.