1 Samuil 14:38 - DAWAN BÎLA AISKA

³⁸ Bamna Saúl bila win: —Aiklaklabra wihtka nani sut laimara bal, bara tânka pliki kaiks naha saurka na ya daukan.

1 Samuil 14:38 ပူးပေါင်းရင်းမြစ်များ

2 Samuil 18:3

Sakuna witin nani pana witin ra win: —Apia, king tara, man baku daukpara, wan waihla nani ba sika, yang nani plapamna sapa, apia kaka kasak prui tiwamna kaka sin, witin nani ba yang nani dukira uya lukras, sakuna king tara sma ba sika, yang nani 10,000 wal sin apia, man kau mana tara sma. Baha mita kanra yamni sa king ba tawan ra takaskaia, bara yang nani tâi baikaia aiklaklabra nani kau bliki kaia.

Lawana Nani 47:9

Upla tara nani, nisan tara nani tilara, Ebraham Gâdka uplika nani asla takan,

Sakaraya 10:4

Witin nani ai tila wina, Utla Mâkaia Walpaya Tara ba bal takbia, Tint Watla Mâkaia Dusa ba bara War aiklabaia Pantamangkaika ba sin. Witin nani ai tila wina wihta tara nani sut bal takbia.

Kulki Kaikanka 24:17

Naika diara takaia ba kaikisna, diara kaikisna, sakuna kau laihura pali sa: Jekob wina takaia slilma kum lakwisa, Israel luhpia nani tilara king kum aula. Moab lal ba dakbia, Set kiamka nani ba sut ai mina ra taibia.

Matiu 21:42

Bara Jisas witin nani ra win: —¿Man nani Ulbanka ra kau aisi kaikras ki? Naku ulban sa: ‘Walpa utla mâmakra nani mita lulki swin ba, baha pali sika raya wihtka takan ba. Naha na Dawan mita daukan sa, bara yang nani aihka tah iwi banhri sa.’

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Jasua 7:11

Israel luhpia nani saura daukan, witin nani wal lâ daukri lâka ba witin nani sauhkan. Diara nani sut sauhki tikbia wîri ba dukia nani ba, witin nani ai dukia brin. Witin nani saura daukuya ba tânka bri kan, sakuna ban implikan, baha diara brin nani ba ai tilara yukuki brisa.

Jasua 7:12

Baha mita Israel luhpia nani ba ai waihla nani mapara sip bubia apia. Baha nani mawan wina witin nani plapaia sa, kan nanara Israel luhpia nani ba aitani sa sauhki tikaia lâka ra mangkan kaia. Bara man nani mahka pali, baha dukia nani sut slingbi tikaia mai wîri ba slingbi tikras sma kaka, yang lika man nani wal ban kamna apia.

Wihta Nani 20:2

Israel luhpia nani pura wihtka aimaki nani kan ba sut bâra kan, bara tawan uplika nani ba sin 400,000 bâra asla takan kan.