1 Samuil 14:36 - DAWAN BÎLA AISKA

³⁶ Baha ningkara Saúl daukaia lukan ba: —Na tihmia yawan iwi wap filisteo nani nina blikaia, ai dukia nani sut mihta dakbaia, kumi sin raya swiaia apia, sut ikaia kau ingras ba ra. Upla sut pana win: —Dauks man nahki kau yamni kaikisma ba kat. Sakuna prîs ba bila win: —Diara sut tâura, kaisa Dawan ra pas makabi walaia.

1 Samuil 14:36 ပူးပေါင်းရင်းမြစ်များ

Lawana Nani 73:28

Sakuna yang lika Dawan lamara wamna, kan baha ba kau pain sa yang maipa ra. Man, Dawan Gâd, man sika yang yukuwaiki aihwa sma ba, bara yang bui man bui diara tara daukram ba aisi kamni.

Aiseya 58:2

Witin nani yu bani ai plikisa, bara yabalki nani ba kaikaia brin daukisa wisa, wibia kaka upla kasakkira nani baku, ai Gâdka lâka ba sauhkras kan baku; witin nani lâika kasak ba sauhkras baku makabisa, bara brin daukisa yang laimara balaia.

Jirimaya 6:5

¡Bamna kaisa yawan tihmia ra aiklabaia bara tawerka nani ba slingbia!”

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Kulki Kaikanka 27:21

Sakuna Jasua ba prîs Eleazar mawanra buaia sa, bara prîs Eleazar ai nina ra luki Urim bâk yang ra ai aisabia. Jasua mita Israel luhpia nani ra lâ nani mangki yabi kabia, dîa dîa sut daukaia ba.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!

Jasua 10:19

Bara sim piua ra, man nani lika mai takaskbiara. Waihla ninara was bara nina tani wina aiklabi banhs. Kli yarka ai tawanka nani ra tawi wabiara, kan Dawan man nani Gâdkam ba bui mihtam ra mangkan sa.”

Jasua 11:14

Baha tawanka ra iwi kan ba sut sord napa malika ra pruan, upla kumi sin swakras, daiwra nani bara diara sut bâra kan ba brin.

1 Samuil 1:23

Ai maya Elcaná bui pana win: —Man nahki daukrika kau yamni kaikma ba kat dauks; bamna nâra bas, tukta ba tiala dakma ba kat. Bara Dawan daukaia win ba yaka ban aimakbia. Bara witin takaskan, ai luhpia waitna paki kan tiala dakban ba kat.

1 Samuil 11:11

Yapra wala ra, Saúl ai uplika nani sut ba dakni yumhpa ra baiki sakan, bara kau lalma kahbras kan pat ai waihla nani lila kat diman kan, bara witin nani ra iki kan, yu wal lal kat. Ya nani kau raya kan ba yakabrira takan, bara witin nani tila wina upla wâl pan asla apia kata.

1 Samuil 14:3

Ahías sika ‘‘efod’’ ba brih waia win kan, Ahitub luhpia bara Icabod tubankika, baha Finees luhpia bara Elí mulika Siló ra Dawan prîska ba. Upla nani lika ai tânka briras kan Janatan pat impakan kan ba.