1 Samuil 14:33 - DAWAN BÎLA AISKA

³³ Sakuna tila upla Saúl ra wih win: —Upla nani ba Dawan mapara saura daukisa, wîna raya tala wal ban pîsa. Bara Saúl pana win: —¡Man nani lika upla pâtkas ra pât dadingkra nani sma! Walpa tara kum karbi na kat bri bal.

1 Samuil 14:33 ပူးပေါင်းရင်းမြစ်များ

Blasi Sturka 9:4

Sakuna wîna tala bri nani ba, man nani pima apia, kan tala ba sika upla rayaka sa bamna.

Libait Lâka 17:10

“Israel luhpia nani, tringsar nani sin sut tala pisma kaka, yang lika man nani mampara kamna. Nahki natka ra kabia, yang mita baha uplika ba upla nani tila ba wina sakamna.

Libait Lâka 19:26

“Wîna ba tâlia ba wal ban pipara. “Yapi smaya kaikaia bara yu wala dîa takaia ba wiaia warkka daukpara.

Libait Lâka 7:26

“Ani tasbaya ra man nani wih iwma ba ra, daiwan pâli nani tâlia bara daiwan wapi tauki nani ba tâlia pipara bara sin dipara.

Libait Lâka 7:27

Ani daiwra tâlia pibia bara dibia uplika ba, mawan ba upla tila wina tikbia.”

Matiu 7:5

¡Man kuninkira! Man namkra ra yuya tara ba pas sâks, bara baku lika sip kama pain kaiki, muihkam nakra ra tâski yuya ba sakaia.

Apastil Nani Sturka 15:20

Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

Roman 2:1

Bahamna, man mita upla wala lâka aisi daukisma kaka, dîa sât uplika kama sin pâtkas kama apia. Upla wala lâka aisi daukisma ba mita, man lika yakan pâtkira pali takisma, kan upla wala dîa dauki ba man pali sin daukisma.

Kli Smalkanka 12:16

Sakuna tâlia ba piaia apia sma, kuna lî baku tasba ra laiks.

Kli Smalkanka 12:23

Sakuna natka kumi ra sin tâlia ba piaia sma, kan tala ba rayaka sa; baku bamna rayaka wihki wîna aikuki asla piaia apia sma.

Kli Smalkanka 15:23

Sakuna ai tâlia lika pipara, tâlia ba tasba ra lî baku laiks.

1 Samuil 14:34

Baha purkara, upla nani wal aisas bara wis, witin nani kumi bani ai bîpka wainhka nani bara ai sîpka nani nâra brih balbia, bara man nani bui lal dakbi ikma bara pi banhma. Baha tihmia upla bani, ai wîna kat ai bîpka wainhka brih wan bara bahara ikan, sakuna Dawan mapara saura daukaia apia mata wîna tala bri ba lika piras kan.