1 Samuil 13:22 - DAWAN BÎLA AISKA

²² Baha tâka mita Saúl uplika nani kumi sin bara Janatan uplika sin sord bara langsa nani kum pan briras kan. Witin wâl baman lika ai sordka bara ai langsika bri kan.

1 Samuil 13:22 ပူးပေါင်းရင်းမြစ်များ

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

2 Korint 4:7

Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

Wihta Nani 5:8

“Israel luhpia nani 40,000 ai gâdka raya nani mangki briaia tawan getka nani ra aiklabi kan ba ra, sakuna witin nani ai langsika tâura, ai kaina kahbi yukuwaika briaia tânka kum sin kaikras kan.

1 Samuil 13:21

Lalah mâ sirpi kum mana hu nani, tasba tukbaika nani sin mala dauki kan; lalah mâ sirpi wâl mana asa nani mala daukan, dâka kakma nani sin.

1 Samuil 17:47

upla sut nâra aidruban na kaikbia Dawan ba sord ni bara langsa ni sin swaki wan sakras. Naha na Dawan warka, witin bui wan mihta ra mai mangkbia.

1 Samuil 17:50

Baku Debit filisteo ba pura luan, praukpraukia ni walpa kumi bri sabi ikan. Bara sord brih waras kan bamna,