1 Samuil 13:12 - DAWAN BÎLA AISKA

¹² Yang lukri, filisteo nani Guilgal ra aula maipara ai aiklabaia, yang sin Dawan ra kau puri suni hilpka makabras kapri ba ra; baha mita taibi ai munan sakripais ba daukri.

1 Samuil 13:12 ပူးပေါင်းရင်းမြစ်များ

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Emus 8:5

Man nani lukisma: “¿Kati raya yua liliaka ba ahkia lubia ki, ningkara plawar mâ nani ba atkaia dukiara? ¿Yu matlalkahbi pura kumi wan ris yua ba ahkia lubia ki, ningkara plun auhbi swin ba saki mana tara bara paun ra kasak kunin muni impliki atkaia dukiara?

2 Korint 9:7

Upla bani dîa yaia ai kupia ra lukan ba kat yaia sa; saura luki baku taiban lâka ni lika apia, kan Gâd mita latwan kaikisa liliakira ni yabi uplika ra.

1 Samuil 13:11

Sakuna Samuil pana win: —¿Man dîa muni baku daukisma? Saúl pana win: —Yang kaikri upla nani ba ai swih mahka auya kan, bara man sin balaia ai wiram ba piua kat balras kapram bara filisteo nani ba sin kaikri mahka aipaswi kan.

1 Samuil 13:13

Samuil pana win: —¡Man daukram ba lika tanis lâka kum sa! Man Dawan mai win ba bîla kat wali daukram kata kaka, kingkam lâka ba ban kaia ra bûi kaia kan.

1 Samuil 15:12

Bara titanka kau puk pali kan Samuil buan, Saúl wal wih aisaia; sakuna witin ra maisa pakan, Saúl lika pat Carmel ra taki wan kan walpa ni ai lilka kum paskan ba kaikaia, baha ningkara diara wala dauki Guilgal ra waia.

1 Samuil 15:22

Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.

1 Samuil 21:7

Baha pali piua ra, Saúl waitnika tara kum nina Doeg, utla ba ra kan, witin lika sepad nani kiaptinka ba, Edom wina, witin sin Dawan ra mayunaia wan kan.