1 Samuil 12:3 - DAWAN BÎLA AISKA

³ bara nanara man nani nâra ai brisma. Upla kum bîpka wainhka, biriku kra sin dakbi briri kaka, upla kum ra kra taibi munri, rausauhkri, kunin muni yukuki briri kaka, nanara man nani daihra sâks Dawan mawanra bara king mawanra sin, bara yang aibapamna.

1 Samuil 12:3 ပူးပေါင်းရင်းမြစ်များ

2 Samuil 22:22

yang Dawan yabalka ba nina blikri; ¡yu kumi sin Gâd ba watawi kulkras kapri!

Nihimaya 5:11

Baku sin naiwa mamkabisna ai tasbaya nani ba, ai wainka nasla nani ba, ai batana dusa nani ba bara ai watla nani ba sin witin nani ra kli yama; baku sin ai traska nani ba sut swih tikma, lalah sapa, plawar sapa, wain sapa bara batana laya sapa, witin nani brin sa kaka.”

Lawana Nani 15:5

witin ai lalahka upla ra lin muni, kli pura praki briaia wiras; witin sin pâtkas uplika ra saura munaia tâwan lalah prisant briras. Baku iwi dauki ba sip kitras ban bâra kabia.

Impakan Sturka 20:17

“Man uplikam watla tumpara, maya mairin, ai albika waitna bara mairin, ai bîpka wainhka, ai birikuka, diara wala sut witin ai dukia ba sin tumpara.”

Impakan Sturka 22:4

“Daiwan implikan ba kau ikras witin ai mihta ra brisa kaka, witin aima wâl prais aibapaia sa, bîp wainhka kan sapa, biriku sapa, sîp kan sapa.

Impakan Sturka 23:8

“Upla kum taiban lâka ra ai lâka ba wapni dauki yama wisi lalah maikbia kaka, alkpara; kan baku lalahka alki uplika ba, nakras takisa bara upla pâtkas ba ban yan pâtkira daukisa bamna.

Sins Lâka 15:27

Upla gridikira lika, witin ai watla bilara trabil bukisa, sakuna taiban lâka mana briaia waihla ba lika, raya kabia.

Libait Lâka 6:4

pâtkira kulkan kabia saura daukan ba mana. Baha mita baha dukia nani witin impliki brin sapa, apia kaka lâ kat apia dakbi brin kaka, apia kaka diara kum ai uplika witin ra yaban kli yabaia kan ba kli yaras kaka, baha dawanka ra kli yabia sa, upla dukia tiwan kan sakan kaka baha sut sin kli dawanka ra yabia,

Libait Lâka 6:5

diara wala nani dukiara swer taki kunin aisin sa kaka, baha dukia nani sin sut ba kli dawanka ra yabia. Baha purkara, dukia praiska kulkan ba purara mânka matsip pura praki aibapbia. Witin ai saurka daukan ba mana sakripais daukbia ba ra,

Kulki Kaikanka 16:15

Baha nani wal aisi Moses kasak pali ai kupia sauhkan, bara Dawan ra win: —¡Ai prisantka nani maikaia brih aula ba bripara! Yang sin witin nani wina biriku kumi sin dakbi briras, baha purkara, yang bui witin nani kumi ra sin saura munras.

Matiu 22:21

Witin nani bila: —Wihta tara dukia. Bara Jisas bila: —Ban kaka, wihta tara dukia ba wihta tara ra yas, bara Gâd dukia ba Gâd ra yas.

Luk 19:8

Bara Sakius ai mina ra bûi, Dawan ra win: —Kaiks, Dawan, dîa brisna ba wina bakriki prais umpira nani ra yabisna; bara upla dukia kunin muni implikri kaka, kau aima walhwal prais yabaisna.

Apastil Nani Sturka 20:33

Yang sin tumras katna, upla wala lalahka kra, kwalka kra dukiara.

2 Korint 12:14

Nanara yang pat ridi sna man nani wih mai kaikaia bara naha kat aima yumhpa kabia, bara man nani mampara karban wirha kumi baku kamna apia. Kan dîa dîa brisma ba lika plikamna apia, kuna man nani pali ba mai pliki kamna; bamna aisa nani sika lalah nani apahki briaia sa ai luhpia nani dukiara, luhpia nani lika apia.

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

1 Tesalonaika 2:10

Naha witniska nani sma, bara Gâd sin: man nani lalukra nani sma ba tilara, yang nani ba sunu katni, kasak lâka ra sin iwi banhwi katna, bara upla kumi mita sin pât kum dukiara kra sip daihra sakras kan.

1 Tesalonaika 2:5

Kan man nani kaikisma ba baku, yang nani mita man nani ra mamyuni bîla painkira nani aisaras, bara lalah briaia wisi kunin bîla nani sin aisaras katna. Gâd baha witniska sa.

1 Pita 5:2

Man nani mihtam ra Gâd sîpka nani mangkan ba, sepad nani baku main kaiki bas; bara wilin pali dauki bas, Gâd want ba baku, taibi mai muni baku lika apia. Wark ba lalah brin mai dauki pali baku lika daukpara, kuna upla dukia daukaia want pali baku dauks.

1 Samuil 10:1

Samuil batana laya batil kum brih, Saúl lal ra laikan bara win: —Dawan bui naiwa ai uplika Israel luhpia nani wihtka bâk mai sakisa, ai uplika Israel ra. Man bui witin nani lâka daukma bara ai waihla nani ai kaina kir ba mihta wina sin pri sâkma. Batana mai laikisna na sika Dawan bui wihta mai mangki ba tânka marikisa.

1 Samuil 12:4

—Man yu kum sin yang nani ra taibi rau ai sauhkras kapram, kunin ai muni duki nani dakbi sin briras kapram —witin nani baku win.

1 Samuil 12:5

—Dawan bara witin mita bâk saki mangkan kingka ba sin wâlsut witnis sa, man nani bui yang warkki daukri ba tilara man nani pâtki sakras sma —Samuil aisin. Sut aisin: —Baku sa.

1 Samuil 2:35

Baha ningkara yang prîs kum kasak wapni ba mangkamni, kupi lâka kat lâ wapni dauki ban wan lukanka witin ra mangkaia sip ba, witin ra kiamka kum yamni bara king kum bâk sakamna ba dukia dauki kabia.

1 Samuil 24:11

“Mihti ra diara brisna na, king ba pain pali kaikbia: naha na king tara prâka tara ba pîska kum sa, yang sip kapri mai ikaia. Naha wal king tara ba tânka bribia, yang bui witin ra saura munaia bara waihla mihta ra mangkaia plikras sna ba, baha swakwanka sin yang daukras. Ban sakuna, king tara ba nini bliki taukisa rayaki tikaia.

1 Samuil 24:6

bara ai uplika nani ra win: —¡Dawan pâtki swih tikbia, dawanki king mapara mihti bukri ba! ¡Âu, witin ba king, Dawan mita witin ra bâk sakan sa!

1 Samuil 24:7

Debit baha dauki baku aisin ba natka ra ai uplika nani Saúl ra saura munaia luki kan ba wina takaskan. Bara Saúl walpa unta wina taki, ai yabalka ra wan.

1 Samuil 26:11

Dawan swaki ai sâkbia, witin bui saki king mangkan kingka ra ikaia lukri ba. Bamna ai langsika, ai laya watla ba sin bris bara kaisa mahka wap.

1 Samuil 26:9

Sakuna Debit pana witin ra win: —Ikpara, kan Dawan bui bâk saki king mangkan uplika ba ya bui ikuya uplika ba, klala yaras lika swibia apia.