1 Samuil 12:24 - DAWAN BÎLA AISKA

²⁴ Dawan bîla ba wali bas kasak luki kira, kupiam aiska witin ai dukia dauki bas, âmya ra luki bas diara tara nani witin bui man nani mamta daukan ba.

1 Samuil 12:24 ပူးပေါင်းရင်းမြစ်များ

2 King Nani 17:39

Kau kanra, Dawan man nani Gâdkam ra sibrin luks, bara baku lika yang mita man nani ra waihlam nani sut mihta ba wina dakbi mai sakamna.”

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Lawana Nani 111:10

Sins lâka kau tara briaia ba lika, Dawan ra pain kulkaia lâka ba; witin ra kulkanka yabi nani ba, lâ wapni daukanka brisa. ¡Dawan ra mayunra ba ban kaia ra ban kabia!

Lawana Nani 119:80

Kupi ba yarka kasak kabia, man lâmka nani ra, baha mita swiri daukan kabia apia.

Impakan Sturka 12:13

“Bara tala durkam nani purara, durkam playka nani ra yukram ba mita mairikbia, man nani baha watla ra dimisma. Bara tnamyak lui wamna, baku yang bui Idsip uplika nani luhpia tawahkia nani baman iki lui wamna, sakuna man nani luhpiam nani lika kumi sin ikamna apia, yang tala ba kaikamna ba ra, wamtla wina laihku lui wamna.

Sins Lâka 1:7

Dawan ra kulkaia lâka ba sins lâka tâ krikanka sika; taniskira nani ba, sins lâka bara diara wan smalkan ba bahki kulkisa.

Smasmalkra 12:13

Smalkanka ba tnata alkan sa. Pat diara sut win sa, Gâd ra kulks bara ai lâka nani ba dauks, kan baha ba upla sut daukaia sa.

Aiseya 5:12

Pata tara dauki ba ra, arp, gitar tara, kingbi nani, plut bara wain sin bâra brisa; sakuna Dawan warkka nani ba lika kaikras, Dawan mihta warkka nani ba dukiara sin luki kaikras.

Jan 1:47

Jisas kaikan Natanael ai lamara aula kan, bara witin dukiara naku win: —Kaiks Israel waitnika pali kum aula ba, witinka ra kunin âpu ba.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Kli Smalkanka 10:21

Kan witin ba man nani mamyunra dukiara sa, witin ba man nani Gâdkam sa, man nani dukiamra diara tara aihkakira nani daukan kaikram.

Kli Smalkanka 29:1

Naha lâka nani na sika Dawan mita Moses ra kli yaban kan Moab tasbaya ra, Israel luhpia nani ra smalkaia. Baha daukaia lâka na Horeb ilka ra pat witin nani wal aisin kan.

Kli Smalkanka 29:2

Moses bui Israel luhpia nani sut asla dauki, bara win: “Man nani kaikram Idsip ra Dawan mita king fero ra dîa daukan ba, warkka dadaukra nani ra bara kuntrika aiska ra sin.

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.