1 Samuil 12:22 - DAWAN BÎLA AISKA

²² Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.

1 Samuil 12:22 ပူးပေါင်းရင်းမြစ်များ

1 King Nani 6:13

Bara yang watla na bilara kamna Israel luhpia nani lilapas ra, bara upliki Israel luhpia nani ba lulki swimna apia.”

1 King Nani 8:57

“Dawan wan Gâd ba, yawan aikuki kabia wan damika nani wal kata ba baku, bara wan lulki sin swibia apia,

2 King Nani 14:27

Bamna Dawan mita Israel nina ba kasbrika mununhta ba wina kau diki sakaia lukras kan, bahamna Jeroboam, Joás luhpia waitna mihta bâk swaki sakan.

2 King Nani 21:14

Bara upliki nani tâka takaskan ba, lulki swimna bara ai waihla nani mihta ra mangkamna, bara diara nani bri ba sut ai mihta dakbia.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Lawana Nani 106:8

Sakuna Gâd ban witin nani ba swaki sakan, bara ai karnika ba yan kaikaia, witin ai nina ba kulkaia mata.

Lawana Nani 94:14

Dawan ba ai uplika nani ra lulki swibia apia, bara sin ai uplika nani ra yakan lulki swin kabia apia.

Impakan Sturka 32:12

¿Nahki ban swirka Idsip uplika nani ba aisi wibia: ‘Lukan saura wal Dawan baha uplika nani ba sakan, baha nani ba sut il ra bri si iki tikaia, naha tasba mawan wina diki âpu daukaia?’ Bara kupiam baiwanka ba swis, uplikam nani ra saura munaisma ba takasks.

Aiseya 37:35

Kan yang mita sika naha tawanka na kaina kahbamna swaki sakaia mata, yang laitwanka ra bara naipakan Debit latwanka ra sin.’ ”

Aiseya 41:17

“Kupia kriwan umpira nani ba, lî plikisa, sakuna sip lî sakras. Diran daukan man ai twisa nani ba sut lâwan sa; sakuna yang, Dawan ba witin nani ra walamni, yang lika Israel Gâdka lulki swimna apia.

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 43:25

“Sakuna yang, man nani Dawankam sna bamna, saura daukram ba diki sakisna bara kli sin man saurkam nani ba dukiara kupi kraukamna apia.

Aiseya 43:7

yang nini bri nani ba sut, witin nani ra yang bui paskri bara daukri ba, yang bui witin nani paskri ba maiyunra ba daukaia.’

Aiseya 48:11

Yang laitwanka lâka ba mata baku daukri, kan yang nini ba tâski dauki bahki kulkan kaia sip apia, praina ba yang bui upla wala ra yamna apia.

Aiseya 49:15

¿Sakuna yapti kum ai luhpia ra ai âuya tikbia ki? Apia kaka, ¿ai luhpia pali ba latwan kaikbia apia ki? Kan ban kra witin ai âuya tikbia kra, yang lika man ra sip âiya mai tikamna apia.

Aiseya 63:8

Witin win: “Witin nani ba yang upliki sa, baha luhpia nani ba waihli mihta ra mangkaia apia kaia sa.” Bara witin swaki sakan,

Jirimaya 14:21

¡Ninam ban yamni kulkan kaia ba tâwan wan lulki wan swipara; naha tawanka tara na ban saura kulkpara bahara man iwaikam pranakira bâra ba! ¡Yang nani wal lâ daukram ba kau luki bas, baha âmya tiwbiara!

Jirimaya 14:7

¡Dawan, yang nani saura daukri saurka ba mita daihra sakisa, ninam ba pain kulkaia ba mita baku dauks! Aima ailal yang nani na man mampara yamni apia katni, yang nani lika man mampara saura daukri.

Jirimaya 14:9

¿Dîa muni sirang ikan uplika kum baku sma ba, aiklaklabra kum ai walka ra hilp munaia sip apia ba baku sma ba? Sakuna, Dawan, man lika yang nani tili kat sma, upla sut tânka brisa yang nani lika man uplikam sna; ¡ban wan luki wan swipara!

Inanka Nani 5:20

¿Dîa kan ban pali âmya ai tikram sa ban kaia ra? ¿Dîa kan ban piu wihka lulki ai swiram sa?

Isikiel 20:14

Kuna yang nini kulkanka mita daukras katna, saura takaskaia apia tâwan. Baha nisanka nani kaikata, mawanra nahki Idsip wina sakatna ba.

Isikiel 20:9

Sakuna nini kulkanka tara wal daukri, saura takaskaia apia dukiara, baha nisanka aikuki iwi ba tilara, kan baha nisanka nani mawanra param taki, pramis munri Idsip wina sakaia.

Malaquía 1:2

Dawan wisa: “Yang bui man nani ra latwan mai kaikisna.” Sakuna man nani lika pana aisisma: “¿Yang nani nahki kaikamna man latwan ai kaikisma ba?” Bara Dawan pana aisisa: “Latwan mai kaikisna ba tânka sika, Jekob Isau wal ai muihni sakuna Jekob ra baman latwan kaikri ba,

Matiu 11:26

Âu, Aisa, kan man baku want kapram.

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Roman 11:1

Bamna nanara, yang makabi walisni: ¿Gâd ai uplika Israel luhpia nani ba ban pali lulkan sa ki? ¡Apia pali! Kan yang pali na sin Israel uplika sna, Ebraham kiamka bara Benjamín taika.

Roman 11:29

Bamna Gâd mita yabi ba witin kli dakbi sakras sa, bara paiwi ba wina kitwi takras sa.

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

Epesus 1:12

Witin baku daukan, baha mita yang nani pas tâura Kraist ra luki kainira diara briaia lukri ba, raya banhwi kamna Gâd ai prana tara ba tâwan mayunan kabia dukiara.

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

Kli Smalkanka 14:2

Kan man nani ba Dawan Gâdkam mihta ra mangkan uplika nani sma; witin mita naha tasba ra iwi uplika nani sut tila wina aihka mai saki yamni mai kulkan sa, witin ai dukia kaia.

Kli Smalkanka 31:17

Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’

Kli Smalkanka 31:6

Kupiam karna bri ban bapi bûi bas. Si bripara, sirang sin iwpara witin nani aikuki prawma taim, kan Dawan Gâdkam ba man nani wal kabia bara mai swibia apia, lulki sin mai swibia apia.”

Kli Smalkanka 31:8

Baha sim Dawanka man kainamra wabia bara man wal kabia, lulki yakan mai swibia apia; baha mita ban sibri kapara.”

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.

Pilipai 1:6

Yang pain pali kaikisna, Gâd bui ai warkka yamni man nani ra tâ krikan ba, ban witin bui dauki kabia Jisas Kraist balbia yua kat.

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Jasua 7:9

Kenan uplika nani naha tasbaya ra iwi ba dîa takan na sturka ba sut walbia, bara witin nani sut asla taki bara wan mapara bal aiklabi rau wan sauhki âpu wan daukbia, bara upla sin wan sturka aisaia sin âpu kabia. ¿Bara baha kat man ninam kulkanka tara ba dîa kabia ki?

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.