1 Samuil 12:19 - DAWAN BÎLA AISKA

¹⁹ Baku takan ba ra, upla nani sut Samuil ra win: —Dawan Gâdkam ra yang nani albikam nani tâiwan puram suns, bara yang nani pruamna apia; kan saurki nani daukri ba purara kau saurka tara wala pura praki ba sika, yang nani king kum briaia makabri ba.

1 Samuil 12:19 ပူးပေါင်းရင်းမြစ်များ

Blasi Sturka 20:7

Sakuna nanara, mairka ba kli ai maya waitna ra yas; kan witin ba prapit kum sa, bamna man tâmwan, ai pura sunbia bara man raya kama. Sakuna man bui witin ai maya ba yabras kama kaka, kasak pali man bara uplikam nani sut prui tiwma.”

Job 37:13

Baha nani sut ba wal sip sa Gâd mita tasba ra klala yabaia, apia kaka ai latwanka lâka tânka ba marikaia.

Job 42:8

Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

Impakan Sturka 10:17

Ban sakuna, mamkabisna kau aima kumi pan yang saurki ba ban swih tiks, bara yang tâiwan puram suns Dawan Gâdkam ra, naha prura klalka na yang nani wina kitbi sâkbia.

Impakan Sturka 32:30

Baha yua wala ra, Moses upla nani ra win: —Man nani saurka tara pali kum dauki banhram sa. Yang nanara kli uli wamna Dawan ra, man nani saura daukram ba ban swih tikaia daukamna sapa.

Impakan Sturka 9:28

Alwani, imyula, ais nani yakawi ba, yang nani aitani briri sa, bamna yang kau ban mai alki takaski kamna apia. Sakuna man nani mita yang nani tâiwan Dawan ra makas, bara mai swirka wama.

Aiseya 26:16

Yang nani trabil tara ra dimisna ba ra Dawan, man mai plikisna, klala wankisma ba ra yang nani ini puri sunra ba mamwanra aisisna.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 27:18

Witin nani ba rait yang mita aisari dahra aisisa kaka, Dawan, yang karnika sut brisna ba, witin nani ba yang ra makabaia kan, yang adar yabaia apia tempel dukia nani Juda kingka watla ra bara Jerusalem ra sin bâra ba Babilon ra brih waia apia kan.’

Jirimaya 37:3

King Sedequías mita Jucal, Selemías luhpia waitna ba blikan, wala prîs Sofonías Maaseías luhpia waitna ba sin Jirimaya ra wiaia: “Yang nani tâiwan Dawan wan Gâdka ra puram suns.”

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Malaquía 1:9

Gâd ra puram suns man nani ra umpira mai kaikaia dukiara. Ban sakuna, bahmuna prisantkam yabisma kaka, lukpara Gâd ai âuyapah kira man nani ra mai walbia. Karnika sut bri Dawanka ba aisisa:

Kulki Kaikanka 21:7

Bara upla nani ba plapi wan Moses bâra kan ba kat, bara win: —¡Yang nani Dawan mapara saura aisari, bara mampara sin aisi banhri! ¡Bamna Dawan ra makas naha piuta saura nani ba sut yang nani wina sâkbia! Bara Moses bui Dawan ra makaban, upla swakwanka ba ban swih tikbia.

Apastil Nani Sturka 8:24

Bara Saiman pana aisin: —Man nani bui Dawan ra yang dukira puram suns, baha saurka ai wiram ba kumi sin ai takbia apia.

Jems 5:15

Bara witin nani kasak luki ai pura sunbia ba ra, siknis uplika ba rawbia, bara Dawan mita witin ra bukbia; bara saurka nani daukan kaka, sut swih tikan kabia.

1 Jan 5:16

Upla kum kaikisa kaka, ai muihni kum pruaia apia saurka kum daukisa, witin ai pura sunaia sa, bara Gâd mita raya kaia lâka ba yabia, baha ba pruaia apia saurka sa kaka. Saurka bâra sa pruaia dukia, bamna yang wiras bahmuna saurka dukiara puram sunaia.

1 Samuil 12:13

Bamna man nani makabi bâk saki briram kingka ba, nâra brisma, Dawan nanara maikisa.

1 Samuil 12:17

Nanara plawar mâ krikaia piua sa, lî auhras bara mani piua sa, ¿ban apia? Sakuna nanara yang Dawan ra wimna bara witin bui alwani bara lî sin blîkbia, bamna man nani kaikma bara tânka sin brima, man nani saura pali daukram king kum makabram ba.”

1 Samuil 12:20

Samuil pana win: —Man nani si bripara. Kasak sa man nani saura daukram ba, sakuna kupiam aiska kira Dawan ra mayunra ba dauki yas.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.

1 Samuil 7:5

Baha ningkara Samuil bila win: “Israel luhpia nani sut Mispá ra asla dauks, bahara yang bui man nani tâmwan Dawan ra puri sunamni.”

1 Samuil 7:8

bara Israel luhpia nani Samuil ra makaban: “Yang nani tâiwan puram suni takaskpara, filisteo nani mihta wina Dawan bui yang nani swaki ai sâkbia.”

1 Samuil 8:6

Sakuna Samuil baha bîla yamni walras kan, witin nani bila king kum mangki yabia bara witin bui ai lâka dauki kabia win ba. Ba dukiara Samuil Dawan ra ai pura sunan,