1 Samuil 12:11 - DAWAN BÎLA AISKA

¹¹ “Bara baku Dawan ba Jerubaal, Barac, Jefté bara Samuil sin blikan, waihlam nani karnika wina dakbi mai sakaia; bara baku naiwa man nani nâra âmyapah iwaia sip sma.

1 Samuil 12:11 ပူးပေါင်းရင်းမြစ်များ

2 King Nani 13:5

Bara Dawan bui Israel ra swaki sasakra kum yaban, bara Siria uplika nani karnika ba wina pri sakan, bara Israel luhpia nani ba kupia kumi kli ai watla nani ra wih iwi kan, kainara kan ba baku.

1 Kronikas 7:17

Ulam luhpa kum baikan nina Bedán mâkan. Naha nani sika Galaad luhpia nani kan ba, witinka ba Galaad luhpia, witinka ba Manasés luhpia ba.

Wihta Nani 4:6

Yu kumi, Débora upla blikan wan Barac ra wiaia bara witin ra paiwaia, witin ba Abinóam luhpia waitna Quedes ra iwi kan, baha lika Neftalí kiamka tasbaya kum, bara witin ra win: —Dawan, Israel Gâdka ba, naku daukaia man ra adar maikan sa: ‘Tabor ilka ra was, bara bahara Neftalí bara Zabulón wal kiamka nani ba wina 10,000 waitna asla dauks.

Wihta Nani 6:14

Dawan insalka ba witin ra kaiki, bara witin ra win: —Karnika brisma bara bûi mahka diara dauks, Israel luhpia nani ba Madián uplika nani mihta wina swaki sakaia. Yang bui man mai blikisni bâra waia.

Wihta Nani 6:31

Baha uplika nani Joás kutbi bri aisi kan, witin baha nani ra tawi bara win: —¿Man nani Baal tâwan aisaisma, bara witin tâwan aiklabaisma ki? ¡Ya ya kabia, Baal tâwan aisi ba pruaia kaka prubia, kau yu baiwaia lalma kahbras ba ra! Baal ba Gâd kaka, man nani swis witin yakan ai tâwan aisabia, altarka ba sika witin ai altarka kan slingban ba.

Wihta Nani 6:32

Bara baha yua wina witin nani Gedeón nina ba Jerubaal mâkan, bara witin nani win: “Baal ba gâd kaka, witin yakan ai tâwan aisabia”, kan Gedeón mita ai altarka ba mâyara ikan bamna.

Wihta Nani 7:1

Gedeón, nanara Jerubaal nina mâki kan ba, ai uplika nani witin wal bâra kan nani ba aikuki, titan kau puk pali kan pat buan, bara Harod tingnika ra wih, bahara ai kiampka ba bapan. Baha tingnika yahbra tani ra Madián uplika nani sin ai kiampka bapi bri kan, Moré ilka bîla ra.

Wihta Nani 8:29

Gedeón, nina wala Jerubaal, witin ai watla pali ra wih iwan, bara ai luhpia waitna nani 70 brin, witin ai maya ailal bri kan bamna.

Wihta Nani 8:35

Bara witin nani ai kupia pihni bara tingki lâka sin marikras kan Jerubaal ra, wibia kaka Gedeón watla uplika nani ra, yamnika nani uya pali daukan kan sakuna.

1 Samuil 3:20

Bara Israel aiska, Dan wina Beerseba kat, upla sut bui Samuil ba Dawan prapitka aihwa pali kulkan.

1 Samuil 7:13

Naku filisteo nani ba pura luan kata, bara witin nani kli baku Israel luhpia nani tasbaya mapara dimi waras kan; Samuil raya kan ba piua nani sut ra Dawan filisteo nani mapara karna kan.