1 Samuil 10:7 - DAWAN BÎLA AISKA

⁷ Baha diara nani baku man ra takbia ba ra, dîa daukaia lukma ba dauks, Gâd hilp mai munbia bamna.

1 Samuil 10:7 ပူးပေါင်းရင်းမြစ်များ

Blasi Sturka 21:20

Gâd tukta ba tâ baikan, witin pâwi tara takan bara Param twi langnika ra takaski iwan. Bahara witin trisbaya lalulkra pali takan, bara ai yaptika mita Idsip mairka kum wal maya baikan.

2 Samuil 7:3

Natán pana witin ra win: —Dîa daukaia lukankam ra ba sut dauks, Dawan hilpka ra lukisma ba wal.

Job 31:25

Aima kumi sin yang aisinki ba yuyaka manis kuki briaia baku kulkras katna, apia kaka lalah manis saki briaia sin lukras kapri.

Impakan Sturka 4:8

Baha ningkara, Dawan bila witin ra win: —Sain pas daukma ba wal kasak mai lukras bara mai walras kabia kaka, kli sainka wala daukma ba wal kra kasak mai lukbia;

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Luk 2:12

Tukta ba sakaia naha na man nani ra sain baku kabia: witin ba sâkma kwala ra karban bara bîp pata watla ra tnikan.”

Jan 6:14

Bamna upla nani ba Jisas naha sainka aihka pali daukan kaiki, naku win: —Kasak pali, naha sika prapit tasba ra balaia kan ba.

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Jasua 1:5

Rayakam yua nani sut ra upla kumi sin man nani wal aiklabi, puram lui mai batakbia apia; yang lika man nani wal kamna, Moses wal kapri ba baku, lamamra ban kamna bara lulki mai swimna apia ban kaia ra.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

Wihta Nani 6:12

Dawan insalka ba witin ra param taki aisin: —¡Waitna karna, sibrinkas waitna, Dawan ba man wal sa!

Wihta Nani 9:33

Bara titan ra, yu uluya ba ra, tawan ba ra dimi aiklas, Gáal ai uplika nani aikuki man mampara aiklabaia dimi balbia ba ra, man bui witin nani wal nahki daukaia lukisma ba kat dauks.”

1 Samuil 2:34

Luhpiam nani Hofní bara Finees wal ba yu kumi ra wâlsut prubia, baha ba kiamkam nani sut baku ikan kabia tukinka man ra.

1 Samuil 20:13

sakuna papiki saura mai munaia lukisa kaka, Dawan bui yang ra klala karna aikbia maisam paki hilp mai munrika âmyapah plapi swak takras sma kaka. ¡Bara sin Dawan hilp mai munbia, papiki ra hilp munan ba baku!

1 Samuil 3:19

Samuil pâwan, Dawan lika witin wal kan, tâ baikan ai pramiska nani sut ba daukaia.