1 Samuil 10:11 - DAWAN BÎLA AISKA

¹¹ Sakuna witin ai uplika kakaira almuk nani kan ba kaikan, Saúl sin prapit nani daknika tilara dahra aisi kan, bara witin nani pana pana tawi aisin: “¿Quis luhpia ra dîa takisa ki? ¿Saúl sin prapit nani kumika takan ki?”

1 Samuil 10:11 ပူးပေါင်းရင်းမြစ်များ

Emus 7:14

Sakuna Emus pana Amasías ra naku win: —Yang sika prapit apia, bara sin lukras sna baku kaia. Yang lika sepad, daiwan nani aihwaki kakaira sna, kwah dusa unta ra pâwi nani ba mâ nani wahbi taukisna ba wina rayaki brisna.

Emus 7:15

Daiwan nani tilara watauki kapri, baha wina Dawan bui ai paiwi bara ai win: ‘Man lika Israel luhpia nani tilara was, witin nani tilara dahra aisas.’

Jan 7:15

Bara Ju nani ba tâ iwi, naku aisin: —¿Nahki naha waitna diara tânka manis kaikisa, skul sin dimras ba?

Apastil Nani Sturka 3:10

Baha diara aihka takan ba dukiara upla nani sut tâ iwan pali takan, aihka sin lukata, kan witin nani mita waitnika na kasak kakaira pali kan bamna; witin sika tempel durka Painkira wi ba lamara iwi hilp makabi kan ba.

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

Apastil Nani Sturka 9:21

Baha nani wali kan ba sut aihka luki, naku win: —¿Naha sim waitnika apia, Jerusalem ra Jisas nina mâki ai pura suni nani ra rausauhki kata ba? ¿Bara nahara sin balan apia baha nani alki priski bri si prîs tara nani mihta ra mangkaia?

1 Samuil 19:24

Ba purkara witin ai kwalka nani sut daikan, kwala luha, spirit diman Samuil mawanra dahra aisi kan, yu aiska bara tihmia sin. Baha wina sika aisinka ba bal takan: “¿Saúl sin prapit kumi sa ki?”