1 Samuil 1:8 - DAWAN BÎLA AISKA

⁸ Bamna ai maya Elcaná witin ra win: “Ana, ¿dîa kan sari man plun piras sma ba? ¿Man mampara luhpa nani matawalsip briaia ba wal, yang kau tara sna apia?”

1 Samuil 1:8 ပူးပေါင်းရင်းမြစ်များ

2 King Nani 8:12

bara Hazael makabi walan: —¿Dîa kan man inisma, dawanki? Bara Ilaidsa pana win: —Kan yang kaikisni man mita Israel luhpia nani ra saura munaisma ba, kan kahbaika pliska nani ba sin pauta klauhira mukaisma, wahma nani ra sin sord ni iki tikaisma, tuktika nani lupia ba sin iki tikaisma, bara mairin kwihra nani ba sin ai biara nani ba wina kalki saki ikaisma.

Job 6:14

Upla kum pât wahwi ba pânika mita latwan kaikaia sa, Gâd, karnika sut bri ba wal, ai lâka ba ban wapni apia kra kabia sin.

Aiseya 54:1

Liliam bas, biarapara mairka nani, luhpa baikras sma ba; lawana aiwans bara lilia tara binka dauks, luhpa baikaia latwanka briras katma ba, kan Dawan naku aisisa: “Lulki swin mairka ba kau luhpa bri kabia, ai maya bri mairka nani ba wal.”

Aiseya 54:6

Man maya mairin tiara kum baku sma, lulki mai swin bara sarikira sma, sakuna man Gâdkam kli mai winan, bara mai wisa:

Jan 20:13

Bamna insal nani ba mita makabi walan: —Mairin, ¿dîa muni inisma ki? Meri Magdalin bila: —Kan yang Dawanki ba saki brih wan, bara yang kaikras anira bri si swin sapa.

Jan 20:15

Baku bamna, Jisas mita makabi walan: —Mairin, ¿dîa muni inisma? ¿Ya plikisma ki? Meri Magdalin luki kan baha lika raiti main kakaira ba, bamna naku win: —Waitna, man mita witin ba brih waram kaka, pliskam ai wis anira bri si swiram ba, bara yang mita witin ba saki brih wamna.

1 Tesalonaika 5:14

Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

Rut 4:15

Witin bui man kupiam lilia daukbia, bara almuk takma ba ra tâm baiki kabia, mulam yapti latwan pali mai kaiki ba luhpia bamna. Man mampa ra baha mairka sika luhpiam waitna 7 ba wal purkara kau hilpkam tara kabia.

1 Samuil 1:7

Mani bani, witin nani Dawan watla ra auya ba ra, Peniná bui baku muni kan; baha mita Ana ba plun sin piras, inaia baman kan.