1 Samuil 1:26 - DAWAN BÎLA AISKA

²⁶ Bara Ana bui win: —Padin ai muns, dawanki, sakuna man kau ban raya sma ba baku, yang aisisna ba kasak pali sa, yang sika baha mairka nahara Dawan ra puri suni katna ba man lamamra.

1 Samuil 1:26 ပူးပေါင်းရင်းမြစ်များ

Blasi Sturka 42:15

Man nani aisisma ba tânka nanara yawan pliki kaikbia: king fero nina mâki man nani ra swer taki mai wisna, man nani naha wina taki wama apia, muihkam sirpi ba nâra bri balma ba kat.

2 Samuil 11:11

Urías pana witin ra win: —Dawan lâka auhbaia watla holikira ba, Israel bara Juda suldiarka nani, baku sin Joab wihtka tara ba bara king wihtka tara wala nani sut, kiamp watla ra twi ra yapisa; ¿bara yang na lika waitla ra plun pi, di bara mayi wal krikriki ra yapi kaia? ¡King tara rayaka ba dukiara, yang baku daukamna apia!

2 Samuil 14:19

Bara king ba witin ra makabi walan: —¿Kasak apia Joab bui mai win man naku aisaia? Mairin ba pana win: —Âu, king tara, swer takisna, king tara, man kasak pali aisaram. Kasak sika wihtkam tara Joab, witin bui adar aikan man ra balaia, witin bui sin ai smalkan naha bîla nani sut na naku man ra aisaia.

2 King Nani 2:2

Bara Ilayas bui Ilaidsa ra win: —Takaski nâra bas, kan Dawan bui Betel ra ai blikuya bamna. Sakuna Ilaidsa win: —Dawan nina ra swer takisna bara man ra sin, yang yakan mai swimna apia. Bara witin wâlsut Betel ra wan.

2 King Nani 2:4

Bara Ilayas bui Ilaidsa ra win: —Takaski nâra bas, kan Dawan bui Jeriko ra ai blikan bamna. Sakuna Ilaidsa pana win: —Dawan nina ra swer takisna bara man ra sin, yang yakan mai swimna apia. Bamna Jeriko kat witin wal wan.

2 King Nani 2:6

Bara Ilayas win: —Takaski nâra bas, kan Dawan bui Jordan ra ai blikuya bamna. Bara Ilaidsa win: —Dawan nina mâki swer takisna bara man ra sin, yakan mai swimna apia. Bara witin nani wâlsut wan.

2 King Nani 4:30

Bara tukta yaptika ba bui Ilaidsa ra win: —Dawan nina ra swer takisna, man ninam ra sin mai wisna, man waras sma kaka yang sin wamna apia. Bara Ilaidsa mairin ba wal wan.

1 Kronikas 4:10

Jabés Dawan ra ai pura suni, naku win: “Mamkabisna yamni ai munma bara sin tasba pîs tara kum aikma, hilp ai muns bara saura wina swaki ai sâks, baku mika yang pât wahwamna apia.” Bara dîa makaban ba kat Dawan bui yan.

1 Samuil 17:55

Kainara Saúl ba makabi walan kan war wihtka tara Abner ra, witin kaikan Debit ba taki auya kan filisteo ba wal prawaia: —Abner, ¿baha wahma lupia ba aisika ba ya?

1 Samuil 20:3

Sakuna Debit kli kli aisi, win: —Papikam kasak tânka brisa, man bui yang ra yamni lukisma ba, bamna witin brin daukras sa man naha tânka brima bara kupia wirha takaia. Sakuna yang lika Dawan nina ra, man ra swer taki aisisna, kau mini kum bukamna ba prura kat taibaia sna.

1 Samuil 25:26

Ban sakuna, kasak tânka ba kat man bui bal tala kaiki, mihtam ni kasakka lâka ba daukaia Dawan wina man ra maikras kan. ¡Dawan baku brin daukbia, man waihlam nani sut, wala nani sut sin saura mai munaia pliki nani ba, witin nani sut Nabal klala brin ba bribia!