1 Samuil 1:19 - DAWAN BÎLA AISKA

¹⁹ Yapi lalawan titan ra, witin nani kli Dawan ra mayunan, baha ningkara ai watla Ramá ra kli tawi wan. Bara Elcaná ai maya Ana wal prawan, bara Dawan sin Ana makabanka ba kat wali daukan.

1 Samuil 1:19 ပူးပေါင်းရင်းမြစ်များ

Blasi Sturka 21:1

Dawan ai bîla win ba baku, witin Sara ra bal kaikan, bara witin ai bîla aisin ba kat sin Sara ra daukan.

Blasi Sturka 30:22

Bara Gâd Raquel dukiara ai kupia krawan, witin ai pura suni ba walan bara witin ra sin luhpia nani kau yabaia win.

Blasi Sturka 4:1

Bara upla ba ai maya tânka kaikan, mairin ba kwihra tiwan bara ai luhpia Ken baikan, bara win: “Dawan kupia lâka ba mita yang luhpi waitna kum briri.”

Blasi Sturka 8:1

Bara Gâd kupia krawan, Noa bara daiwan wail nani, tim nani sut kira, ark watla ra bâra kan ba. Bara witin yan pâsa krawan tasba purara, bara baku lî nani ba mahka rahwi iwan.

2 King Nani 4:17

Sakuna Ilaidsa dîa win ba kat takan, mairin ba baha manka kwihra takan, bara ai luhpia waitna kum baikan.

Lawana Nani 119:147

Kau yang lalma kahbi kan buri, man ra hilp makabaia; man pramiskam ra yang bîla kaikisni.

Lawana Nani 136:23

Witin sika, ai kupia krauki ba yawan dring prui ba ra, ai latwanka lâka ba ban kaia ra ban sa bamna.

Lawana Nani 25:7

sakuna kau tukta kapri, mampara saura nani daukri ba luki kapara, lâ krikri nani ba sin ban âmya ra bri kapara; latwankam lâka tara bara yamnikam lâka ba mita Dawan, yang ra luki bas.

Lawana Nani 5:3

Titan ra, yang bîli baikra walisma, titan pali, yang bui man ra puri suni tâinka ba mai wisna, bara man dîa wima ba walaia bîla kaikisna.

Lawana Nani 55:17

Yang titan ra, tutni ra bara tihmia ra sin brukwi bara ini maimna lulki kamni, bara witin bîli baikra ba walbia.

Mark 1:35

Titan, yu baiwras, kau tihmia kan, Jisas mahka buan bara tawan wina taki yakan ai pura sunaia wan plis kum yakan bâra kan ba ra.

Luk 23:42

Bamna witin bila: —Jisas, man king aimaki kama ba ra, yang ra luki bas.

Jasua 18:25

Ba purara Gabaón, Ramá, Beerot,

1 Samuil 1:1

Efraín ilka nani tilara tawan kumi bâra kan nina Ramá; bahara waitna kumi iwi kan, witin Suf taika wina kan, ai nina Elcaná. Witin ai aisika ba Jeroham kan, ai damika Elihú, bara ai damika papika ba Tohu, Suf luhpia kata, Efraín kiamka tila wina.

1 Samuil 1:11

bara Dawan ra witin pramis daukan: “Dawan karnika sut pali brisma ba, albikam mairin kupia kriwan na maisa nihkaia yamni lukisma kaka, yang ra luks bara luhpa waitna kum aik, bara ai rayaka yua nani sut ra witin ba man warkkam ra maikamna, bara tukinka ba lika ai tâwa ba klakan kabia apia.”

1 Samuil 15:34

Baha iki si Samuil mahka Ramá ra wan, Saúl sin kli ai watla Guibeá ra wan.

1 Samuil 16:13

Bara Samuil batana laya batilka ba brin, bara muihni nani kaiki kan, wahma ba batana laiki king mangkan, ai nina Debit mâki kan ba. Baha awarka yua wina, Dawan spiritka karnika ba Debit wal kan. Baha warkka sut luan ba ra, Samuil witin nani lakula dauki si Ramá ra wan.

1 Samuil 19:18

Naku Debit swak takaia sip kan. Bara witin Samuil kaikaia Ramá ra wan, bara Saúl dîa daukan ba sut win. Baha wina Samuil bara Debit wal Naiot ra wih iwan.

1 Samuil 2:11

Baha ningkara Elcaná ai watla Ramá ra kli tawi wan, sakuna tukta ba takaskan Dawan watla ra dukia dauki Elí prîs bui dîa daukaia win adarka ba kat.

1 Samuil 25:1

Samuil pruan bara Israel uplika sut asla takan pura mata inaia, bara watla Ramá ra bri si bikan. Baha ningkara Debit mahka wan Parán upla iwras tasbaya ra.

1 Samuil 7:17

Ba sut taukan ba ningkara, witin kli ai watla Ramá ra bali kan, bahara sin Dawan altarka paski bri kan. Baha wina Israel luhpia nani sut lâka dauki kan.

1 Samuil 8:4

Bara Israel almukka nani sut asla aidruban Ramá ra Samuil wal aisaia,

1 Samuil 9:26

bara Saúl mahka yapan. Titan ra Samuil bui Saúl ra winan witin kau buras kan bamna: —Bus bara yabalkam ra impaks. Saúl buan bara witin nani wâlsut tawan yabalka ra taki wan,