1 Samuil 1:18 - DAWAN BÎLA AISKA

¹⁸ Witin pana win: —Tingki pali. Bara Ana kli tawi, witin balan ba yabalka bâk mahka wan. Bamna plun pin bara baha yua wina witin kli sari briras kan.

1 Samuil 1:18 ပူးပေါင်းရင်းမြစ်များ

Blasi Sturka 32:5

nanara yang bîp, biriku, albiki waitna, albiki mairin nani sin brisna. Bamna yang naha bîla na dawanki ra blikisna bara brin ai daukisa witin nanara yang ra yamni ai lukbia.’ ”

Blasi Sturka 32:6

Jekob bîla twatwilkra nani ba wih kli balan, bara witin nani Jekob ra naku win: —Muihkam Isau kaikaia yang nani wari, bîlam blikram ba wîri. Nanara witin sin waitna 400 brih aula man wal prawi lamkula daukaia.

Blasi Sturka 33:15

Isau pana win: —Sakuna baku sa kaka, yang brin ai daukisa upliki nani balan na, nâra man wal swiaia. Sakuna Jekob pana win: —Apia pali, pliskam man baha dukiara lukpara. ¿Man dîa mata kupiam trabil brisma?

Blasi Sturka 33:8

Bara Isau mahka witin ra makabi walan: —¿Man dîa daukaia luki kapram bara baha daiwan daknika nani ba yang wal prawaia kainamra blikram ba? Jekob pana witin ra win: —Baha lika man bui yang ra yamni ai lukma dukiara.

Lawana Nani 34:6

Naha waitna umpira ba inan, bara Dawan bui witin ra walan, ai trabilka sut wina pri sakan.

Smasmalkra 9:7

¡Bamna, kaisa! Plun pisma ba piua ra, wain disma ba piua ra liliam bris; kan Gâd bui yamni kaikan man daukankam nani ba.

Jan 16:24

Naha piua kat man nani bui yang nini mâki Aisa ra kau diara makabras sma; makabi banhs bara brih, lilia ni aibanhma ba dukiara.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

Rut 2:13

Bara mairin ba pana aisin: —Wihtki, man yamni pali ai wisma, bara aisinkam nani ba kasak maisi nihkra nani sa. Man sin bîla yamni ni yang ra aisaram, yang lika man warkkam tatakra mairin kulkanka pan briras sna sakuna.

Rut 2:2

Yu kumi Rut Noemí ra win: —Aik insla nani ra wamna, bara mâ kriki uplika kum pan kaikamna, witin kra aikbia ai nina bliki mâ kauhan nani ba wahbi kaia. Bara Noemí win: —Was, luhpi mairin.