1 Pita 5:8 - DAWAN BÎLA AISKA

⁸ Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

1 Pita 5:8 ပူးပေါင်းရင်းမြစ်များ

Ester 7:6

—¡Wan waihla bara wan mapara saura ba sika, naha Amán watawikira na! —baku Ester aisin. Bara Amán ba sirang iwan, king bara kwin mairin ba wal mawanra, naha bîla walan ba ra.

Job 2:2

Dawan bui witin ra makabi walan: —¿Man ani wina aulma ki? Bara dahra kwakwahkra ba pana win: —Tasba tâ kumi wina wala kat kir impaki tauki si aulna.

Lawana Nani 104:21

Layan nani ba ai daiwra piaia ihbisa bara ai pata piaia yabia wisi, Gâd ra makabisa.

Lawana Nani 109:6

Ai wihtka baku upla watawikira kum mangki yas, bara ai lâka dadaukra ba bui ai lâka dauki pât ra lakbia;

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Sins Lâka 20:2

King kupia baiwanka ba sika, layan ihbi ba baku sa; ya witin kupia baiwan bara tuski ba, witin ai rayaka pali mapara saura daukisa.

Sins Lâka 28:15

Layan ihbi ba, wingku tara sin plun wahwi ba, baku sa upla wihta watawikira kum, umpira uplika nani wihtka aimaki ba.

Aiseya 50:8

Yang laima pali ra sa tâiwan aisi uplika ba: ¿Ya yang maipara diara brisa ki? ¡Kaisa yawan aikuki wihta ra waia! ¿Ya ba yang tâinka nani daihra sâkbia ki? ¡Wis bal ai wibia!

Jirimaya 2:15

¿Dîa muni witin nani layan ihbi baku, karna ihbi bal alki ba? Kuntrika ba witin nani bal sauhki swin ba; tawanka nani sut angkan, uplika nani sin âpu daukan.

Jirimaya 51:38

Babilon uplika nani ba layan ihbi baku, layan luhpia nani lawi baku kabia.

Isikiel 19:7

King watla nani ra diara sauhki kan, tawan nani ra sin sauhki kan; witin ihbi ba mita, tasba aiska ba tatatwi kan.

Isikiel 22:25

Kuntri kum tâ wihta nani ba layan baku, diara alkan ba bisbi tikisa; ai tasbaya ra upla nani ba pîsa, ai kukanka ba bara diara apahkan ba implikisa, bara mairin ailal pali piarka swisa.

Daniel 6:24

Baha ningkara, king bui win Daniel dahra kwahkan waitnika nani ba wih brih balbia, ai maya nani, ai luhpia nani aikuki layan nani watla ra lulkan, baha nani ba kau tasba ra iwras kan taim, layan nani ba mita alki drusbi pin.

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Oseas 13:8

Wingku mairin kum ai luhpia nani tiwan ba baku, yabalka ra taki waisna, witin nani wal prawaia; witin nani kupia ba drusbamna. Layan kum baku, yabal kat witin nani ba alki pimna; daiwan wail kum baku, witin nani ba kalkamna.

Joel 3:16

Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Emus 1:2

Jerusalem, Saion ilka ba wina, Dawan ai bîla baikra bin tara alwani binka baku aisisa ba ra, tasba nani ra twi painkira pâwi ba srawisa, Carmelo ilka bahna ra twi nani ba sin sut lâwisa.

Emus 3:4

Layan il nani tilara ba piua ra, daiwan kum alkaia ridi takan bamna; layan luhpia nani ba tasba unta ra ihbi lawi ba, witinka daiwan kum alkan bamna.

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Sakaraya 11:3

Sepad nani ba karna inisa, kan twi nani prana kata ba sut sauhki tikan bamna. Layan ihbi ba walisa Jordan lamara ai watla bri kan ba sut sauhki tikan sa bamna.

Sakaraya 3:1

Baha ningkara, Dawan mita prîs wihta tara Jasua lilka aihka kum marikan, bara witin lika Dawan insalka mawanra bûi kan. Jasua tnaya aihkika ra dahra kwakwahkra ba, sitan sin bahara bûi kan, bara witin mapara mahka aisaia muni kan.

Matiu 13:39

bara waihla inma saura mangkan ba lika dibil pali. Dâkaia piua ba lika tasba tnata, bara dâki uplika nani ba lika insal nani.

Matiu 24:42

“Man nani aihwaki bas, Dawan dîa awarka ra balbia ba kaikras sma bamna.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Matiu 4:1

Naha ningkara, Spirit ba mita Jisas ba upla iwras tasbaya ra brih wan, dibil mita traika kaikbia dukiara.

Matiu 4:11

Bara dibil ba Jisas ra mahka swin, bara insal nani bal ai dukia dauki kan.

Mark 4:15

Upla tila lika ban saumuk nani yabal ra kauhan ba wal baku sa: witin nani sturi yamni ba walisa, sakuna walan ningkara, Sitan bal sturi yamni ai kupia ra mangkan kata ba sakisa.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Luk 22:31

Bara Dawan naha sin aisin: —Saiman, Saiman, kaiks Sitan man nani ba makaban sa sim plawar mâ baku mai singbaia dukiara.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

2 Korint 2:11

bara baku mika Sitan yawan wina diara sâkbia apia; kan witin ai daukanka saura ba yawan kaikisa bamna.

Epesus 4:27

Bara dibil ra sans sirpi kumi sin yapara.

Epesus 6:11

Gâd mita aiklabaia dukia nani wanki ba sut brih dims, bara baha ni sip kama bapi kaia Sitan kuninka nani ba mapara.

1 Timoti 2:15

Sakuna mairin ba lika swaki sakan kabia yapti baku, dîa daukaia win ba aiska daukbia kaka, witin ba kasak lukan lâka, latwan lâka kat, holi lâka kat sin, ai sinska ba yamni bri kabia kaka.

1 Timoti 2:9

Bara mairin nani ba, ai prâka nani dimra ra ai sinska yamni bri nani kaia sa, bara baha nani ba tânkira ai prâka dimi kabia, aiskahkan tara wal lika apia. Ai wîna tara ba aiskahki kabia, tâwa pitbanka aihkakira wal lika apia, gul ni, sita nakra manira nani, apia kaka prâk manira nani ni sin apia;

1 Timoti 3:11

Sim baku hilpa mairin nani ba kulkanka bri uplika nani kaia sa, upla dahra kwakwahkra kaia apia, witin nani ba ai rayaka wapni bri kabia, bara diara sut mapa ra kasak kaia sa.

1 Timoti 3:2

Baha mita, tâ bri kum ba pâtkas uplika kaia sa; witin ai maya kumi baman bri kaia sa, bara ai rayaka ba wapni, sinskira bara kulkanka bri kabia. Witin ba ai watla ra upla tringsar nani briaia wilin kaia sa; upla smalki lan kaia sa;

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Taitus 1:8

Sakuna, piu bani upla wala nani ai watla ra briaia wilin kaia sa; diara yamni dauki uplika kaia sa, ai sinska pain bri kaia, kasakkira, holikira bara ai kupia alki takaski kaia.

Taitus 2:12

Baha Gâd kupia yamni tânka ba wan smalkisa, saurka lâka ba bara tasba brinka karna nani ba yawan swibia, bara naha tasba ra wan sinska ba pain, wapni bara Gâd ra sin luki brih iwi kabia.

Taitus 2:2

Serts almukka waitna nani ra wis, witin nani ba pain luki kabia, ai kupia pain bara ai sinska sin pain bri kabia; kasak lukan lâka, latwan lâka, bara ban bapi buaia lâka sin, witin nani ba yamni kabia.

Taitus 2:4

bara baku mika tiara nani ra lâ yabaia sip kabia, ai maya nani ra bara ai luhpia nani ra sin latwan kaikaia;

Taitus 2:6

Baku sin, wahma nani ra tâ baiki bas ai sinska ba yamni bri kaia ba dukiara.

Jems 4:7

Baku bamna, Gâd ra bawi banhs. Sitan mapara dutki bus, bara witin ba man nani wina plapbia.

1 Pita 1:13

Baha mita, man nani dîa daukisma ba pain luki bas, bara rayakam ba pain bri bas. Gâd ai latwanka tara ba mita, Jisas Kraist balbia bara yamnika nani maikaia ba kat kainamra bîla kaiki bas.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

Param Marikanka 12:10

Bara kasbrika purara bîla baikra tara kum walri, naku aisin: “Swaki sakan lâka ba pat balan. Yawan wan Gâd karnika ba kingka lâka ba, nanara Kraist karnika ba marikan sa. Kan wan muihni nani dahra kwakwahkra ba saki lulkan sa, witinka kakna bara tihmia wan Gâdka mawanra baha nani dahra kwahki kata ba.

Param Marikanka 12:12

¡Bamna, kasbrika purara nani sma ba, liliam taki bas, man nani bahara iwisma ba! Sakuna tasba ra bara kabu ra iwi nani ba mapara lika alai pali kabia, kan dibil ba man nani ra iwan sa, ai kupia sin baikan sa, kan witin kaikisa kau piua wiria baman brisa bamna.”

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.

Param Marikanka 20:2

Naha insalka na dragunka ba alkan, baha piutka almuk ba, witinka dibil bara Sitan ba, bara witin ba priskan mani 1,000 prais kat.

Wihta Nani 14:5

Bamna Samson ai aisa bara ai yaptika aikuki Timnat ra wan. Tawan ba lama mapa ra wain nasla bâra kan, baha kat Samson auya kan ba ra layan wahma kumi lawi bal takan witin ra alkaia.