1 Pita 5:7 - DAWAN BÎLA AISKA

⁷ Trabilkam taki lukisma ba sut, Gâd mihta ra swis, kan witin lika man nani sut main mai kaikisa.

1 Pita 5:7 ပူးပေါင်းရင်းမြစ်များ

Lawana Nani 34:15

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Lawana Nani 37:5

Man rayakam ba Dawan mihta nani ra mangks; witin kat luki tniwi bas, bara witin hilp maikbia.

Lawana Nani 40:17

Sakuna yang dukira wisni, umpira bara diara âpu sna; Dawan, man ban yang ra luki bas. Man baman sika hilpki sma bara pât wina sin ai dakbi sakisma; ¡Dawan, ban lap tiwpara, pat bal!

Lawana Nani 55:22

Trabil taki lukisma ba, Dawan ra swis; bara witin minam pirwras kira mai bri kabia; witin mai swika kauhma apia, baha uplika ai bîla wali ba.

Sins Lâka 16:3

Man warkkam nani Dawan mihta ra mangks, bara diara nani kupiam ra luki paskram ba dauki sâkma.

Matiu 6:27

¿Bamna ani uplika man nani tilam wina sip sa trabil taki luki ba mita kau awar kum raya kaia?

Matiu 6:28

“¿Bara man nani kwala dukiara dîa muni uya lukisma ki? Tangni nani twi ra pâwi ba ra kaiks, witin nani wark takras bara sin kwala sipi dimras.

Matiu 6:31

Baha mita, man nani uya trabil taki luki, naku aisapara: ‘¿Yawan dîa pibia? ¿Yawan dîa dibia? ¿Yawan ani wina kwala dimbia?’

Mark 4:38

Jisas lika duri tara tnata ra yapi kan lal kahbaika kum ra, bara tatukbi buki Jisas ra win: —¡Smasmalkra! ¿Kupiam lukras sma ki yawan pat rungwi na?

Luk 12:22

Baha ningkara, Jisas ai disaipilka nani ra win: “Bamna yang bui man nani ra mai wisna: Trabil taki lukpara raya kaia sma dukiara dîa pima, dîa kwalka dimma.

Luk 12:26

Diara wiria lupia ba sin sip daukras kaka, ¿dîa muni diara wala nani ba dukiara trabil taki lukisma?

Jan 10:13

Naha waitnika na lika plapisa ai mana ba dukiara baman wark takisa bamna, bara baha mita sîp nani ba dukiara lukras pali sa.

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

1 Samuil 30:6

Debit ai kupia wal uba aisin kan witin nahki daukaia, ai daknika ba bui mahka walpa ni sabaia muni kan, witin nani sut lawi pali kan ai luhpia nani ra baku takan ba dukiara. Ban sakuna, Dawan ra ai kupia lukra ba mangkan,