1 Pita 4:8 - DAWAN BÎLA AISKA

⁸ Diara sut purkara, pana pana uplikam ra latwan kaiki bas, kan latwan lâka ba mita saurka ailal ban swih tikisa bamna.

1 Pita 4:8 ပူးပေါင်းရင်းမြစ်များ

Sins Lâka 10:12

Misbara lâka ba unsaban lâka nani bukisa, sakuna latwan lâka lika, lâ sauhkanka nani ra pura praki bikisa.

Sins Lâka 12:16

Upla taniskira ai kupia sauhki ba mahka param sakisa, sakuna aman kaiki uplika lika lahtubanka ba uya lukras.

Sins Lâka 17:9

Lâ sauhkanka ban swih tiki uplika ba, latwan lâka paskisa; kuna dahra kli kli saki ba lika, ai libraka aihka dakbi sakisa.

Sins Lâka 18:13

Ani uplika diara aisi ba, pain kau walras pat pana mapara aisi ba, baha lika taniskira sa, ai swira tara sa sin.

1 Korint 13:1

Yang na upla nani aisi ba bîla ra, bara insal nani bîla sin aisaia sip kamna sakuna, latwan lâka âpu sna kaka, aisinki ba lika drum prukan kli kli ini ba baku sa, pân taya prukan bin dauki ba baku.

1 Korint 13:4

Latwan lâka bri uplika ba, wihka bîla kaikisa; upla yamnikira sa bara tatumra lika apia; aimayunras sa bara kakalra sin apia.

Kolosi 3:14

Baha sut purkara, latwan lâka kwalka ba dims, baha sika kasakka lâka nani sut asla kumi ra wilkan ba.

1 Tesalonaika 3:12

Bamna Dawan mita man nani kau pâwaia mai daukbia, bara pana pana walkam nani aikuki latwan lâka briaia bara upla sut wal aikuki sin, yang nani mita latwan mai kaikisna ba baku.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

Hibru Nani 13:1

Man nani pana pana walkam nani aikuki, muihkam nani baku latwan lâka ba ban bri bas.

Jems 5:12

Sakuna, muihki nani, diara sut purkara swer takpara pali, kasbrika purara ba nina mâki, tasba nina mâki kra, swer sâtka wala sin daukpara. Man nani “âu” wima ba, yarka “âu” kabia, bara “apia” wima kaka, yarka “apia” kabia; baku mika Gâd lika pât ra mai dingkbia apia.

Jems 5:20

man nani kaiki bas; ya ya mita saura dadaukra kum ra ai yabalka saura wina kli wapni ra mangkbia kaka, baha uplika sulka ba prura wina swaki sâkbia, bara saurka ailal ba sin swih tikan kabia.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

3 Jan 1:2

Muihki laitwankira, yang bui Gâd ra makabisna sim spirit ra pain auma ba baku, diara sut ra sin pain kama, bara wînam tara sin pain bri kama.