1 Pita 4:17 - DAWAN BÎLA AISKA

¹⁷ Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?

1 Pita 4:17 ပူးပေါင်းရင်းမြစ်များ

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Jirimaya 25:29

Bamna yang mahka klala nani ba blikamna yang ra aikan tawanka ba purara. ¿Bara lukisma man nani lika klala brima apia? Apia, man nani klala briras kama apia, kan upla nani tasba ra iwi ba sut purara war ba yang blikaisna. Yang, Dawan, karnika sut brisna ba, baha kasak aisisna.’

Jirimaya 49:12

Dawan aisisa: “Baha wala nani ba, pât wauhbia kapka ba diara ai dukia apia kan, sakuna ban din kaka, yabal wala âpu sa, bamna man klala briaia sma, man sin baha wina diaia sma.

Isikiel 9:6

almuk nani, wahma nani, tiara nani, mairin kau waitna kaikras nani, tuktan nani, mairin nani ba iks, umpira kaikpara. Sakuna ani uplika sain bri kabia ba lika kangpara.” Bara witin nani tâ krikan tempel lamara almuk nani bâra kan wal.

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Luk 23:31

Bamna dus kura lupia ra naha diara sut na muni kaka, ¿dus lâwan ra dîa mika munras kabia ki?

Roman 1:1

Yang Pal, Jisas Kraist dukia dadaukra sna, Gâd ai paiwan witin ai apastil kaia bara Gâd bui witin swaki wan saki sturka ba upla nani ra smalkaia.

Roman 2:9

Baku bamna, saura dauki nani ba mapara pât wahwaia lâka bara latwan wahwaia lâka sin bâra kabia, baha lika Ju nani ra pas, bara baha ningkara Ju apia nani ra sin.

Galesha 3:1

¡Galesha uplika nani, tanis nani! ¿Ani sukika pali ba kupiam yabaki alkan? Yang nani smalkanki ba ni man nani namkra kat, Jisas Kraist dus prihni ra saban ba mamrikatna.

Galesha 5:7

Man nani pain auma kata. Bamna, ¿ya mita mai munan diara kasak bîla wali kapram ba swiaia?

Galesha 6:10

Bamna ani piua yawan sip ba ra, upla sut ra diara pain nani dauki kap, bara kau aiska pali lika, kasak lukan lâka ra wan muihni nani ba sut ra.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

Hibru Nani 11:8

Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.

Hibru Nani 2:2

Piu wala nani ra insal nani bîla aisin tânka ba kasak pali marikan kata, bara ani uplika nani saura dauki baha bîla ba kat wali daukras kan ba, witin nani dîa klalka briaia kan ba kat bri banhwan.

Hibru Nani 2:4

Bara Gâd sin baha dukiara witnis aisin sa, sain nani dauki, diara aihkakira nani ni bara sain aihkakira ailal daukan ba mita sin. Witin mita sin Spirit Holikira prisantka nani ba yawan ra sât sât yuan sa, witin ai kupia lâka ba kat.

Hibru Nani 3:6

Sakuna Kraist lika baha Gâd watla ba main kaikisa, Luhpia kasak kum baku. Yawan sika witin watla ba, yawan na dîa wan kainara briaia bîla kaiki ba kat liliakira, kasak ban ba kat dutki alki bri kabia kaka.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:8

Bara naha wala na sin: “Walpa tara kum, walpa kum ra sika ai mina prukbia.” Kan witin nani ai mina prukisa, sturi yamni bîla wali daukras ba mita, Gâd kupia lâka kat witin nani ra baku takaia kan.