1 Pita 3:9 - DAWAN BÎLA AISKA

⁹ Saura mai muni nani ba, pana saura munpara, bara saura pali mai wibia kaka sin, pana saura pali munpara. Baku daukaia watlika ra, kau yamni muni bas, kan Gâd bui man nani ba yamnika briaia mai paiwan sa.

1 Pita 3:9 ပူးပေါင်းရင်းမြစ်များ

Blasi Sturka 42:25

Bara baha ningkara ai uplika nani ra adar yaban, wala nani ba surunka nani ra plun auhbia bara plun mana aibapan lalahka ba sin, kumi bani surunka bilara kli mangkbia, bara yabal ra pi waia pata sin yabia. Witin nani ra daukaia win ba baku daukan.

Sins Lâka 17:13

Yamni ba mana saura ni yabi uplika ba, saura ba witin ai watla wina takbia apia.

Sins Lâka 20:22

Wipara: “Saura ai munan ba pana mana yang bui aibapamni”; Dawan ra kasak luks, bara witinka mai swaki mai sâkbia.

Sins Lâka 28:10

Ya upla wapnikira nani ra yabal saura brih auya, witin mita unta pakni salhkan ba ra kauhbia, sakuna aihwa man dauki uplika nani ba ai dukia diara yamni tara bribia.

Matiu 19:29

Bara ya ya ai watla nani, ai muihni nani, ai lakra nani, ai aisa, ai yapti, ai maya mairin, ai luhpia nani, ai tasbaya nani sut yang tâiwan swin nani ba, 100 prais kau bribia bara raya ban kaia ba sin witin nani dukia kabia.

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Matiu 5:39

Sakuna yang mai wisna: Upla saura mapara bupara; sakuna, ya mita mamwan tani kum ra prukbia kaka, tani wala ba sin laki yas.

Matiu 5:44

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

Mark 10:17

Bara Jisas kli impakan ba ra, waitna kum plapi bal, ai mawanra ai lula kriki, makabi walan: —Smasmalkra yamni, ¿yang raya ban kaia lâka ba briaia kaka, dîa daukaia sna ki?

Luk 10:25

Lâ Smasmalkra kum Jisas ra wan, wal aisi bâk traika kaikaia, bara makabi walan: —Smasmalkra, ¿dîa yamni daukamna kaka, yang sip kamna raya ban kaia lâka ba briaia?

Luk 18:18

Wihta kum Jisas ra makabi walan: —Smasmalkra yamni, ¿dîa daukamna kaka, raya ban kaia lâka ba brimna ki?

Roman 12:14

Rau mai sauhki nani ra yamni muns; Gâd ra makas witin nani ra yamni munbia, kuna saura munbia dukiara lika apia.

Roman 12:17

Upla kumi ra sin saurka tâwan pana saura munpara. Trai muns upla sut mawanra diara pain baman dauki kaia.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

Roman 8:30

Bara patitara piua wina Gâd mita aihka sakan nani ba, witin sin baha nani ba paiwan; bara paiwan nani ba sut witin mita kasakkira nani kulkan; bamna baha kasakkira kulkan nani ra mayunra sin yan.

Galesha 3:14

Naha na baku takan, Gâd mita Ebraham ra yamni munaia pramis munan ba, Kraist Jisas bâk Ju apia uplika nani ra yaia; bara baku yawan sut bribia kasak lukan lâka ba mita, baha Spiritka Holikira Gâd mita pramis munan ba.

Epesus 4:32

Sakuna, sut aikuki pain banhwi bas, pana pana kupiam swapni bri bas, bara pana pana walkam pâtka swih tiki bas, Gâd bui Kraist ra mai praki pâtkam swih tikan ba baku.

1 Tesalonaika 5:15

Aman kaiks, upla kum mita wala ra saura munbia kaka, pana saura munbiara. Sakuna, man nani piua sut pana pana walkam wal diara yamni ba daukaia trai muni bas, bara upla sut wal aikuki sin.

Hibru Nani 12:17

Bara man nani pain kaikisma, baha ningkara Isau ai aisika wina yamnika ba want takan ba ra, ai ninara kli lakan kata; bara witin kasak inan sakuna, diara daukan ba lakaia tânka sip pliki sakras kan.

Hibru Nani 6:14

Bara witin bila: “Yang pramis mai munisna, yamni mai munamna bara kiamkam sin ailal maikamna.”

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.

1 Samuil 26:11

Dawan swaki ai sâkbia, witin bui saki king mangkan kingka ra ikaia lukri ba. Bamna ai langsika, ai laya watla ba sin bris bara kaisa mahka wap.